காதலும் காமமும் - Y Mama Tu Tambien (18+)

வணக்கம் மக்களே... 

முன் குறிப்பு: இது பாலுறவுக் காட்சிகள் மற்றும் நிர்வாண காட்சிகள் நிறைந்த ஒரு உலகத்திரைப்படத்தின் விமர்சனம். எனவே படிக்க விரும்பாதவர்கள், சமூகக் காவலர்கள் எல்லாம் ஒன் ஸ்டேப் பேக். படத்தின் கதை கொஞ்சம் ஓவராகவே இருந்ததால் அடுத்த சில நாட்களுக்கு மட்டும் என் வலைப்பூவில் நுழையும்போது “Adult Content Warning” வரும்படி வைத்திருக்கிறேன். ஏற்பட்ட சிரமத்திற்கு மன்னிக்கவும்.

கொஞ்ச நாளாகவே சில பதிவர்கள் புண்ணியத்தில் உலக சினிமா பார்க்கும் ஆர்வம் தொற்றிக்கொண்டது. அந்த ஆர்வத்தில் எனது நெருங்கிய நண்பர்களான கூகிள், விக்கிபீடியா, imdb இவர்களுடன் சேர்ந்து வித்தியாசமான அல்லது புதுமையான படங்கள் ஏதாவது கிடைக்குமா என்று ஆராய்ந்துக் கொண்டிருந்தேன். இந்த தேடலில் பல படங்கள் கிடைந்தன. அவற்றில் இருந்து குத்துமதிப்பாக ஒரு படத்தை செலக்ட் செய்தேன். அது தான் Y Mama Tu Tambien என்ற ஸ்பானிஷ் மொழி திரைப்படம். படத்தை பதிவிறக்கி பல மாதங்கள் ஆனாலும் இன்றுதான் பார்த்து உணர்ந்து பதிவெழுத முடிந்தது.

Title: Y Mama Tu Tambien

a.k.a.: And Your Mother Too

Country: Mexico

Language: Spanish

Year: 2001

Genre: Erotica, Romance

Cast: Gael Garcia Bernal, Diego Luna, Maribel Verdu

Director: Alfonso Cuaran

Cinematographer: Emmanuel Lubezki

Editor: Alex Rodriguez

இரு பதின பருவ இளைஞர்கள், ஒரு முப்பது வயதை ஒத்த பெண் இவர்களை சுற்றியே கதை நகர்கிறது.

ஜூலியோ, டெணோச் இருவரும் பதின்பருவ இளைஞர்கள். இவர்கள் இருவரும் தத்தம் காதலியை அவர்கள் விடுமுறைக்காக இத்தாலி செல்வதற்கு முன்பு கடைசியாக ஒருமுறை புணர்வதாக படம் ஆரம்பிக்கிறது. பின்னர் காதலி இல்லாத தனிமையில் இருக்கும் இளைஞர்கள் புகை பிடிப்பதும் சுய இன்பம் கொள்வதாகவும் கதை நகர்கிறது. போகிறப்போக்கில் இருவரது நட்பைப் பற்றியும் விவரிக்கிறார்கள். அவர்களது குணம், குடும்பம் போன்றவற்றை பேக்ரவுண்ட் வாய்ஸ் ஓவர் மூலமே சொல்கிறார்கள். பின்னர் ஒரு திருமண விழாவில் டெணோச் தனது உறவினரான ஜேனோவை சந்திக்கிறான். அவரது மனைவியான லூயிஸா தான் கதையின் நாயகி. அதே திருமண விழாவில் லூயிஸாவை சந்திக்கும் இளைஞர்கள் அவளை கவர முயல்கின்றனர். “சொர்க்க வாசல்” (Heaven’s Mouth) என்று ஒரு பீச் இருப்பதாகவும் அங்கே அவளை அழைத்துச் செல்வதாகவும் கூறுகின்றனர். ஆனால் அவள் அவர்களின் பேச்சுக்கு மயங்குவதாக இல்லை. ஆனால் அடுத்த நாள் லூயிஸாவுக்கும் அவளது கணவன் ஜேனோவுக்கும் ஏற்படும் மனக்கசப்பில் லூயிஸா இளைஞர்களுடன் டூர் போவதென்று முடிவு செய்கிறாள். இது இளைஞர்களுக்கு இன்ப அதிர்ச்சியாக அமைய மூவரும் சேர்ந்து ஒரு காரில் பயணம் செல்கின்றனர்.

பயணம் முழுவதும் இளைஞர்கள் இருவரும் தத்தம் செக்ஸ் அனுபவங்களையும் பெருமைகளையும் லூயிசாவிடம் பகிர்ந்தபடி வருகிறார்கள். லூயிசாவும் தான் பள்ளிப்பருவத்தில் ஒருவனை காதலித்தது பற்றியும் பின்னர் அவன் சாலை விபத்தில் இறந்து போனது பற்றியும் சொல்கிறாள். சில நாட்கள் பயணத்தில் நகர மூவரும் ஒரு விடுதியில் தங்குகிறார்கள். அங்கே குளிக்கும்போது ஷாம்பூ கிடைக்காததால் லூயிசாவின் அறைக்கு ஷாம்பூ வேண்டி செல்கிறான் டெணோச். அங்கே லூயிஸா அவனை கிளர்ச்சியடைய செய்து அவனுடன் உறவு கொள்கிறாள். இதை ஜூலியோ பார்த்து மனம் நொந்துப்போகிறேன். கோபத்தில் டெணோச்சிடம் தான் ஒரு முறை அவனது காதலியுடன் உறவு கொண்டுள்ளதாக கூறுகிறான். மறுநாள் காலை மறுபடி மூவரும் பயணத்தை ஆரம்பிக்க முந்தய நாள் சம்பவங்கள் உல்டாவாக நடக்கிறது. அதாவது லூயிஸா ஜூலியோவுடன் உறவுக்கொள்ள அதை டெணோச் பார்க்க நேரிடுகிறது. பதிலுக்கு டெணோச்சும் ஜூலியோவின் காதலியை தான் முன்பொருமுறை புணர்ந்துள்ளதாக குறிப்பிடுகிறான். இந்த சம்பவத்தால் நெருங்கிய நண்பர்களாக இருந்த இருவரும் சண்டையிட்டு கொள்கின்றனர்.

இருவரும் சண்டையிட்டு கொள்வதால் லூயிஸா அவர்களை விட்டு விலக முயற்சி செய்கிறாள். இருவரும் இணைந்து அவளை சமாதானப்படுத்துகின்றனர். மறுநாள் மூவரும் ஒரு வழியாக சொர்க்கத்தின் வாசல் கடற்கரைக்கு சென்றடைகின்றனர். அங்கே ஒரு மாலைப்பொழுதில் மூவரும் போதையில் அவரவர் செக்ஸ் வாழ்க்கையை பற்றி பேசிக்கொண்டிருக்கின்றனர். லூயிஸா செக்ஸில் இளைஞர்கள் இருவரையும் ஒப்பிட்டு பேசுகிறாள். மேலும் இளைஞர்கள் இருவரும் மற்றவருடைய காதலியுடன் செக்ஸ் வைத்த கதையை பேசிக்கொள்கிறார்கள். இளைஞர்கள் இருவரும் மீண்டும் மனக்கசப்புகளை மறந்து நட்பாகின்றனர். பின்னர் அறையில் லூயிஸா, ஒரே நேரத்தில் இளைஞர்கள் இருவருடனும் செக்ஸ் வைத்துக்கொள்கிறாள். லூயிஸா இருவருடனும் வாய்வழி கலவியில் ஈடுபட இளைஞர்கள் இருவரும் ஒருவரை ஒருவர் முத்தமிட்டு கொள்கின்றனர். மறுநாள் இளைஞர்கள் இருவரும் இல்லம் திரும்ப லூயிஸா மட்டும் தனது பயணத்தை தொடர்கிறாள். நாளடைவில் இளைஞர்கள் இருவரது வாழ்விலும் பல மாற்றங்கள் நிகழ இருவரும் நீண்ட நாட்களுக்குப் பிறகு சந்திக்கின்றனர். இருவரும் பேசிக்கொண்டிருக்கும்போது டெணோச் ஜூலியோவிடம் லூயிஸா கேன்சரில் இறந்துவிட்டதாகவும் நம்முடன் சுற்றுப்பயணம் வரும்போதே அவளுக்கு அது பற்றி தெரிந்திருந்ததாகவும் கூறுகிறான். அத்துடன் கதை முடிகிறது.

இந்தக் கதையில் ஆங்காங்கே மெக்சிகோ நாட்டின் அரசியலை காலத்து கதை சொல்லியிருக்கிறார் இயக்குனர்.

மெக்சிகோ நாட்டின் அரசியலையும் வரலாற்றையும் நன்கு அறிந்தவர்கள் அல்லது படித்தவர்கள் மட்டுமே இந்தப் படத்தை ரசிக்க முடியும். மற்றவர்களுக்கு இது ஒரு மேற்படி டைப் படமாகத் தான் இருக்கும் நான் உட்பட. ஹாரி பாட்டர் திரைப்படத்தின் மூன்றாம் பாகத்தை எடுத்த இயக்குனர் தான் இந்தப் படத்தை இயக்கியிருக்கிறார் என்பதை நம்ப முடியவில்லை. படத்தில் சர்வசாதாரணமாக நிர்வாண, அரை நிர்வாண காட்சிகள் வருகின்றன. படத்தில் ஐந்து கலவி காட்சிகள் ஆனால் ஐந்திலுமே ஏதோ விமானத்தை பிடிக்கும் அவசாரத்தில் இருப்பவர்கள் போலவே செயல்படுகிறார்கள். இறுதியாக இளைஞர்கள் இருவருக்கும் அறிவுரைக்கும் விதமாக லூயிசா ஒரு தத்துவம் சொல்கிறாள். அதுதான் படத்தில் சொல்லப்பட்டிருக்கும் மெசேஜ் : -

"LIFE IS LIKE THE FOAM OF SEA...

YOU MUST DIVE INTO IT..."

மொத்தத்தில் இது நம்மூர் கலாச்சாரத்திற்கு சற்றும் பொருத்தமில்லாத ஒரு திரைப்படம். எனவே நான் படத்தை பார்க்கச்சொல்லி உங்களை வலியுறுத்தவில்லை. படத்தில் வரும் காட்சிகளை ஏற்றுக்கொள்ள மனமிருந்தால் மட்டும் பாருங்கள். பதிவிறக்க லிங்குகள் இங்கே:

டோரன்ட் லிங்க்: Y Mama Tu Tambien (DVD RIP)

நேரடி லிங்குஸ்:

Y Mama Tu Tambien – Part 1

Y Mama Tu Tambien – Part 2

ஆங்கில சப்-டைட்டில்கள் இணைக்கப்பட்டுள்ளன.

என்றும் அன்புடன்,

N.R.PRABHAKARAN

Post Comment