Blogger – சில சந்தேகங்கள்

வணக்கம் மக்களே... 

பிளாக்கர் நிமித்தமாக சில சமயங்களில் யாருக்கும் தோன்றாத பல விசித்திரமான சந்தேகங்கள் தோன்றுகின்றன. எனக்கு மட்டும் ஏன் இப்படி என்று அலுத்துக்கொள்கிறேன். இந்தவாரம் அந்த சந்தேகங்களை உங்களுடன் பகிர்கிறேன். யாருக்காவது வடிகால் தெரிந்தால் சொல்லிக்கொடுங்கள்.

1. முன்னூறுக்கு மேல் முடியாதா...?

முன்பெல்லாம் நான் பின்தொடரும் வலைப்பூக்களின் எண்ணிக்கை குறைவாகவே இருந்தது. ஒருமுறை நண்பர் எஸ்.கே பின்தொடரும் வலைப்பூக்களின் எண்ணிக்கையை பார்த்து மிரண்டு போனேன். அன்றிலிருந்து யாருடைய வலைப்பூவினை புதிதாக பார்த்தாலும் அவற்றை பின்தொடர்ந்துவிடுவேன். இப்பொழுது எனது பட்டியலில் முன்னூறுக்கும் (329) மேற்பட்ட வலைப்பூக்கள் உள்ளன. இந்நிலையில் Followers Widget இல்லாத சில தளங்களை எனது பிளாக்கர் பக்கத்தில் உள்ள ADD பட்டன் மூலம் இணைக்க முயன்றால் மேலே படத்தில் உள்ளதுபோல பிழைச்செய்தி வருகிறது. படத்தை பெரிதாக பார்க்க ரைட் கிளிக் செய்து தனி விண்டோவில் பார்க்கவும்.

2. பின்தொடர்பவர்களுக்கு மரியாதை

நம் வலைப்பூக்களுக்கு தூணாக விளங்குவதே followers தான். சிலர் அவர்களது வலைப்பூக்களில் Followers Widgetஐ பெரிதாக வைத்திருக்கிறார்கள். மேலே இருக்கும் படத்தில் உள்ளதுபோல. எனக்கும் அதேபோல பெரிதான Followers Widget வைக்க ஆசை. இதுபற்றி சம்பந்தப்பட்டவர்களை கேட்டபோது Widgetன் ஜாவாஸ்க்ரிப்ட்டை மாற்றியமைக்கும் படி சொன்னார்கள். ஆனால் எனது Followers Widgetல் ஜாவாஸ்க்ரிப்ட் என்ற ஒரு மேட்டரே இல்லை.

3. டெம்ப்ளேட் தேங்க்ஸ்

எனது டெம்ப்ளேட்டை மாற்றுவது குறித்து நீண்ட நாளாக ஆராய்ச்சி செய்துவருகிறேன். இது சம்பந்தமாக ஏராளமான சந்தேகங்கள் உள்ளன. நண்பர் LK அவரது பதிவோன்றின் மூலம் ஓரளவு சந்தேகங்களை தீர்த்து வைத்தார். அவருக்கு எனது தேங்க்ஸ். இப்பொழுது என்ன கலரில் டெம்ப்ளேட் மாற்றுவது என்று குழப்பமாக இருக்கிறது. எனக்கு இப்போது உள்ளதுபோலவே கறுப்பு நிற பிண்ணனி கொண்ட டெம்ப்ளேட் அமைப்பதே விருப்பம். ஆனால் நண்பர்கள் சிலர் இது கண்ணை உறுத்தும் விதம் இருப்பதாக கருத்து தெரிவிக்கின்றனர். எனவே புது டெம்ப்ளேட் கலர் குறித்து உங்களின் ஆலோசனைகளை வழங்குங்கள்.

4. பதிவை வெளியிட ராகுகாலம், எமகண்டம் பார்க்கவேண்டுமா...?

பொதுவாக பதிவை வெளியிடும்போது நேரம் காலம் எல்லாம் பார்ப்பது இல்லை. ஆனால் பதிவுலகத்தில் பழம் தின்று கொட்டை போட்டவர்கள் சிலர் ஞாயிற்றுக்கிழமை பதிவை வெளியிட்டால் வரவேற்பு கிடைக்காது, அலுவலக நேரத்தில் வெளியிடுவது நல்லது என்று பல கோணங்களில் கருத்து தெரிவிக்கின்றனர். மேலும் இந்தியாவில் பகல் பத்து மணி என்றால் பிற நாடுகளில் வெவ்வேறு நேரமாக இருக்கிறது. ஒன்றும் விளங்கவில்லை. இப்பொழுது எனது கேள்வி - பதிவை வெளியிட உகந்த நேரம் எது...?

5. எல்லாமே என் Dashboard தான்...

நான் எப்பொழுதுமே பதிவுகளை படிக்க திரட்டிகளை நாடுவது இல்லை. தினமும் எனது dashboardல் வரும் அப்டேட்களை படித்துவிடுவேன். இந்த நிலையில் சில வாரங்களாக ஜாக்கி சேகர் மற்றும் வந்தே மாதரம் போன்ற தளங்களின் அப்டேட்ஸ் வராமல் இருந்தது. இதுகுறித்து ஆராய்ந்து பார்த்ததில் மேலே படத்தில் இருப்பது போன்ற பிழைச்செய்தி வந்தது. ஒருமுறை unfollow செய்துவிட்டு follow செய்ததில் அந்த பிரச்சனை முடிவுக்கு வந்தது. ஆனாலும் இதற்கு நிரந்தர தீர்வு காண்பது எப்படி...?

டிஸ்கி: மேற்கண்ட சந்தேகங்களுக்கு சிறந்த முறையில் விளக்கம் கொடுப்பவர்களுக்கு தக்க சன்மானம் வழங்கப்படும்.

என்றும் அன்புடன்,

N.R.PRABHAKARAN

Post Comment