வணக்கம் மக்களே...
எனது நண்பன் ஒருவன் அடிக்கடி தன்னிடம் அருமையான சினிமாக்கதை ஒன்று இருப்பதாகவும் ஒரு ப்ரொட்யூசர் மட்டும் கிடைத்துவிட்டால் தானொரு தமிழ்நாட்டு ஸ்பீல்ஸ்பெர்க் என்று பயங்கரமாக பீட்டர் விடுவான். (என் நண்பனாச்சே...). அப்படி என்னதான்டா கதை என்று அவனிடம் திருவாய் மலர்ந்தால் அது மைக்கேல் க்ரைட்டன் நாவல்களுக்கு இணையான ஒரு கதைடா தமிழ்நாட்டுல எவனாலும் அப்படி எல்லாம் யோசிக்க முடியாது என்று இஷ்டத்துக்கு அள்ளிவிடுவான். ஆனால் கதை என்னவென்று கடைசி வரைக்கும் சொல்லவே மாட்டான். பயபுள்ள அடிக்கடி மைக்கேல் க்ரைட்டன் பெயரை பயன்படுத்தவே, அவரது கதை ஏதோவொன்றை உருவியிருக்கிறான் என்று புரிந்துக்கொண்டு மைக்கேல் க்ரைட்டனை கூகிளினேன்.
சுருங்கச் சொல்லவேண்டுமென்றால் இவர் ஒரு அமெரிக்காவின் சுஜாதா. ஐசக் அசிமோ வகையறா. சயின்ஸ் பிக்ஷன் நாவல்களுக்கு பெயர் போனவர். த்ரில்லர் நாவல்கள் எழுதுவதிலும் கில்லாடி. இதையெல்லாம் விட எளிதாக புரியும் வண்ணம் சொல்லவேண்டுமென்றால் ஜுராசிக் பார்க் படமும் அதன் தொடர்ச்சியான எடுக்கப்பட்ட தி லாஸ்ட் வேர்ல்ட் படமும் இவரது நாவல்களை தழுவி எடுக்கப்பட்டதே. இது தவிர்த்து இவரது மேலும் சில நாவல்கள் கூட திரைப்படமாக எடுக்கப்பட்டுள்ளன. இவரது நாவல்கள் சிலவற்றின் கதைச்சுருக்கத்தை படிக்கும்போது மிகவும் சுவாரஸ்யமாகவும் புதுமையாகவும் இருந்தன. எனவே புத்தக சந்தையில் இவரது நாவல்களை வாங்க விரும்பியது பற்றி ஏற்கனவே எனது புத்தகக் காட்சி அறிமுகப்பதிவில் குறிப்பிட்டிருந்தேன்.
அப்படியே புத்தகக் கண்காட்சிக்கு சென்றிருந்தபோது எங்கெங்கெல்லாம் ஆங்கில புத்தகக் கடைகள் தென்படுகின்றதோ அங்கெல்லாம் ஐசக் அசிமோவையும் மைக்கேல் க்ரைட்டனையும் தேடினேன். அப்புறம் கொஞ்சம் சேத்தன் பகத். சேத்தன் பகத் மட்டும் கொஞ்சம் மலிவாகவும் அதிக கடைகளிலும் கிடைத்தார். ஆனால் அசிமோவும் க்ரைட்டனும் ரொம்ப காஸ்ட்லி. மனதிற்கு பிடித்த புத்தகங்கள் கையில் கிடைத்தும் பணம் கொடுத்த வாங்க முடியாத நிலை. அந்தக் கடையை விட்டு நகரவும் முடியவில்லை. சிறிது நேரம் அங்கேயே க்ரைட்டனை வாசம் பிடித்தபடி நின்றிருந்தேன். பின்னர் வேறு வழியில்லாமல் கடை எண்ணை மட்டும் குறித்துக்கொண்டு திரும்பினேன். நண்பர் ஒருவர் பழைய புத்தகங்களை எல்லாம் வாங்க சரியான இடம் பிளாட்பாரம் மட்டும்தான் என்று ஆருடம் சொன்னார்.
மறுவாரம் தேவைகேற்ப காந்தி தாத்தாவை எடுத்துக்கொண்டு புத்தக சந்தைக்கு எதிரில் அமைந்திருந்த பழைய புத்தகக்கடை வரிசைக்கு சென்றேன். நூற்றுக்கணக்கான எழுத்தாளர்கள் பிளாட்பாரத்தில் குவித்து வைக்கப்பட்டிருந்தனர். புத்தகங்களின் கண்டிஷனை பொறுத்து ரூ.10, 20, 30, 50 என்று ஒவ்வொரு கடைகளிலும் ஒவ்வொரு விலை. கூச்சப்படாமல் குப்புறப்படுத்து தேடியதில் 50ரூபாய் கடையில் தோண்டத் தோண்ட க்ரைட்டன் வந்துக்கொண்டே இருந்தார். 6 புத்தகங்கள் கிடைத்தன. அதிலிரண்டு ஏற்கனவே படமாக பார்த்த ஜுராசிக் பார்க் மற்றும் தி லாஸ்ட் வேர்ல்ட் என்பதால் அவற்றை தவிர்த்துவிட்டேன். மீதமுள்ள நான்கு புத்தகங்களையும் சேர்த்து 150 ரூபாய்க்கு கேட்டுப் பார்த்தேன். கடைக்காரன் பிடிக்கொடுக்காமல் பேசவே டிஸ்குளோஷரை தியாகம் செய்துவிட்டு Rising Sun, TimeLine மற்றும் Next ஆகிய பிற மூன்று புத்தகங்களையும் வாங்கினேன்.
Rising Sun (1992):
ஜப்பானிய நிறுவனமான நாகமோதோ கார்ப்பரேஷன் தனது அமெரிக்க தலைமை அலுவலகத்தை லாஸ் ஏஞ்சல்ஸ் நகரின் ஒரு பல மாடிக்கட்டிடத்தின் 45வது மாடியில் நிறுவி திறப்புவிழா நடத்துகிறது. அதே சமயம் 46வது மாடியில் ஒரு இளம் பெண் கொலை செய்யப்பட்டு இருக்கிறாள். அந்தக் கொலையை பற்றி துப்பறிவதே மீதிக்கதை. நாவல் முழுவதிலும் அமெரிக்க – ஜப்பான் கலாச்சார வேறுபாடுகளைப் பற்றி கூறியிருப்பதாக சொல்லப்படுகிறது.
TimeLine (1999):
இது ஒரு ஆயிரத்தில் ஒருவன் டைப் சயின்ஸ் பிக்ஷன் கம் பீரியட் நாவல். பதினான்காம் நூற்றாண்டில் தொலைந்து போன ஒருவனைத் தேடி சில இருபதாம் நூற்றாண்டு மனிதர்கள் டைம் ட்ராவல் செய்கிறார்கள். போன இடத்தில் அவர்களுக்கு கிடைக்கும் விசித்திர அனுபவங்களைப் பற்றிய கதை. இந்த நாவலில் டைம் ட்ராவல் ஒரு முக்கிய அம்சமாக குறிப்பிடப்பட்டுள்ளது.
Next (2006):
இது ஒரு டெக்னோ த்ரில்லர் நாவல். க்ரைட்டன் உயிரோடிருக்கும்போது கடைசியாக வெளிவந்த நாவல் இதுதான். உயிரியல் ஆராய்ச்சியைப் பற்றிய கதை. அரசாங்கமும் பிற தனியார் நிறுவனங்களும் பல கோடி ரூபாய் செலவு செய்து அந்த உயிரியல் ஆராய்ச்சியை மேற்கொள்கின்றனர். அதனால் ஏற்படும் விளைவுகளே மீதிக்கதை.
அப்பாடா, நான் வாங்கிய மூன்று நாவல்களைப் பற்றியும் சன் டிவி ஹாலிவுட் கொண்டாட்ட விளம்பரத்தில் விவரிப்பது போல விவரித்துவிட்டேன். என்னது, எதற்காக தலைப்பில் நமீதாவா...? கொஞ்சம் பொறுங்க சொல்கிறேன்...
நம்ம டாகுடர் நடிப்பில் வெளிவந்த அருமையான திரைப்படம் அழகிய தமிழ்மகன். அந்தப்படத்தில் ட்ரெயினில் டிக்கட் இல்லாமல் ஏறும் விஜய் நம்ம ஜாவா சுந்தரேசனை கொக்குமாக்காக மாட்டிவிட்டுவிட்டு நமீதாவுடன் பயணம் செய்வார். அப்போ, நடிகையர் திலகம் நமீதா கைகளில் ஒரு ஆங்கில நாவல் இருக்க, விஜய் அந்த நாவலின் 104வது பக்கத்தில் ஒரு இண்டரஸ்டிங் மேட்டர் இருப்பதாகச் சொல்லி நமீதாவை உரச அப்படியே ஹம்மிங் எல்லாம் முடிஞ்சு பென்னி தயாள் குரலில் “நீ மர்லின் மன்றோ க்ளோனிங்கா...” என்ற பாடல் ஆரம்பிக்கும். அந்தக் காட்சியில் நமீதாவும் விஜய்யும் முட்டிக்கொண்டு படித்த அந்த புத்தகம்தான் மைக்கேல் க்ரைட்டனின் NEXT. (பேச்சு பேச்சா இருக்கணும்... கல்லை கீழே போடுங்க பாஸ்...)
ஆனா, சத்தியமா சொல்றேன். நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை. அட, நம்புங்கப்பா...
டிஸ்கி 1: புத்தக சந்தையில் வாங்கிய புத்தகங்கள் பற்றிய முதல் இடுகை இது. இதே வரிசையில் இன்னும் சில இடுகைகள் வர இருக்கிறது. உஷார்...
டிஸ்கி 2: ஒருவேளை வாங்கிய க்ரைட்டன் நாவல்களை முழுமையாக படித்து முடித்தால் ஒவ்வொரு நாவலைப் பற்றியும் தனித்தனி பதிவு போடுவேன். உஷார் X 3 TIMES...
என்றும் அன்புடன்,
N.R.PRABHAKARAN
|
|
65 comments:
புதிய தகவல்.
(என்னமா நோட் பண்றாங்கப்பா...)
நீங்க சொன்ன நாவல்களை நான் படித்ததில்லை ...வாங்கி படிக்கிறேன்.. முக்கியமாக நமீதாவுக்காக அந்த நெக்ஸ்ட் ...
நல்லதொரு அறிமுகம்
ஆஹா ,, என்னமா நோட் பண்ணி இருக்கீங்க..
டே சி பி நீ கத்துக்க வேண்டியது நிறை இருக்கு.. ஹாலிவுட் படத்தையும்,நமீதாவையும் லிங்க் பண்ணுனதைப்பார்த்தியா>
இந்தமாதிரி ஸ்டான்டட்டான புத்தகங்கள் வாசிக்கிற அளவுக்கு நான் இன்னமும் வளரைங்க!!!
***ஆனா, சத்தியமா சொல்றேன். நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை. அட, நம்புங்கப்பா...***
அவர் தொட்ட அதே பிரதி இல்லைனு எங்களுக்குத்தெரியுமே! :)))
பகிர்விற்கு நன்றி
சரி அந்த 104 ஆம் பக்கத்தில் படி என்னத்தான் இருந்துச்சு
செம ஆட்டம்! நடக்கட்டும்! தும் ததா!
நானும் ஒன்ன மாதிரியே என் இனிய இயந்திராவை படிச்சிபுட்டு அடுத்தடுத்து வெறும் sci-fi நாவலா வாங்கிப் படிச்சவன் தான் :)
தமிழில் அறிவியல் புனைவுகள் (sci-fi) வேற எதாவது இருந்தா ஒரு லிஸ்ட் கொடு மாமு :)
க்ரைட்டன் பற்றி அறி்நதுகொண்டேன்.
http://sakthistudycentre.blogspot.com/
க்ரைட்டன் பற்றி கூறியதற்கு நன்றி. அந்த படத்தை அவ்வளவு உன்னிப்பாக கவனிக்க தூண்டியது எது?
ஹா ஹா ஹா
ungalukku "Nameetha nesan" endra pattatthai kodukkiren.
எல்லாம் இங்கிலீபீஷு புக்கா இருக்கே . ச்சே ச்சே தமிழ்நாட்டுல தமிழ் புக் படிக்க ஆள் இல்லாம போச்சே
தம்பி பெரிய படிப்பாளி போல....
கதைதான் திருடப்பட்ட்ன இப்பெழுது புத்தகமுமா
நானும் படித்துப் பார்க்கிறேன் (நமீதாவுக்காக அல்ல!)
பாலா said...
க்ரைட்டன் பற்றி கூறியதற்கு நன்றி. அந்த படத்தை அவ்வளவு உன்னிப்பாக கவனிக்க தூண்டியது எது?
ஹா ஹா ஹா//
நல்ல கேள்வி பதில் plz....
நல்ல தொகுப்பு பிரபா... நன்றி
திரையில் நமீதா இருந்தாலும் அவங்க கையில இருக்குறது என்ன புக்னு பாத்திருக்கீங்க பாருங்க... அங்கேதான் நிக்கிறீங்க... :))
வாழ்த்துக்கள் நண்பா!
சிம்பிள் சப்ஜெக்ட். அதுவும் சொல்லவந்த புத்தகங்களை படிக்கும் முன்னரே எழுதப்பட்ட முன்னோட்டப்பதிவு. ஆனால் சுவாரசியமான நடை. உங்களை ரொம்ப நாட்களாக மிஸ் பண்ணிவிட்டேனோ.? :-). ஓகே, இப்பலேயிருந்து பிக்கப் பண்ணிட்டாப் போச்சு.!
ஆனா, சத்தியமா சொல்றேன். நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை. அட, நம்புங்கப்பா...
நம்பீட்டோம்....
மைக்கல் க்ரைட்டன் பற்றி கேள்விப்பட்டதோடு சரி. நமக்கும் பீட்டருக்கும் ஆகாது என்பதால் வாங்குவதுமில்லை, படிப்பதுமில்லை.
அதுக்காகவெல்லாம் இங்கிலீசு புக்கெல்லாம் நம்மால படிக்கமுடியாது. :-))
நல்லதொரு அறிமுகம் ! ! !
க்ரைட்டன் - நமீதா....... என்னமா நோட் பண்றீங்கப்பா...
ஹி.ஹி.ஹி..................... இதெல்லாம் படிச்சவுங்க வந்து போற இடம் போல ??? வா மங்கு நாம வேற ஏதாவது குட்டிச்சுவறு கிடைக்குதான்னு பாக்கலாம்
என்னம்மா எழுதியிருக்கீங்க.. இங்கிலீஸ் சுஜாதாவாம்ல.. பாருங்க.. வாசகர்களே.. பிபி. நாவல்களைப்பத்தியும் எழுத ஆரம்பிச்சுட்டாரு.. உசாரய்யா உசாரு...! நிரம்ப எழுதியிருகிறார்.. அதுக்காக வேண்டி ஒரு நன்றி சொல்லிடலாம்...!
#ஆனா, சத்தியமா சொல்றேன். நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை. அட, நம்புங்கப்பா...#
கண்டிப்பா நம்புறேன்.....
ஐசக் அசிமோ... எந்திரன் பாடலில் கேட்டிருக்கிறேன். புத்தகம் வாங்கும் நானும் கூட இருந்தேன். அப்போது ஆங்கில நாவல்களை தேர்ந்து எடுக்க சொல்லி என்னை கேட்டீர்களே?? ஏன் இந்த கொலைவெறி?? உங்க லெவல் வர பல ஆண்டுகள் பிடிக்கும்.
ஓக்கே நீங்க அந்த 104 ஆம் பக்கத்த பார்க்க வாங்கலன்னு நாங்க நம்புறோம். அதில என்ன இருக்குன்னு சொல்லலயே?
//நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை//
நமீதா பார்த்த புத்தகம்.....
இன்னும் நிறைய புத்தகங்கள் பற்றி எழுதுங்கள்..
// (பேச்சு பேச்சா இருக்கணும்... கல்லை கீழே போடுங்க பாஸ்...)ஆனா, சத்தியமா சொல்றேன். நமீதா படித்த புத்தகம் என்ற காரணத்திற்காக நான் அந்த புத்தகத்தை வாங்கவில்லை. அட, நம்புங்கப்பா...//
இருங்க இத வர்றேன்!!! (டேய் கல்ல கீழே போடுங்கடா. அங்க குவிச்சு வச்சிருக்கிற கல்ல ஓரங்கட்டுங்கடா. நான் போய் தலைவர்ட்ட கை குலுக்கனும்ல!!) வெல்டன் தல. இனி நீங்க ஒய்யாரமா நீங்க நமிதா ஆன்ட்டி கூட கை கோர்த்துக் கிட்டு இங்கிலீஷ் பாட்டுக்கு டான்சே ஆடுங்க. (பாக்குறதுக்கு நாங்க இருக்கோம் ஹி..ஹி!!)
எதோ சொல்ல வரீங்கன்னு தெரியுது, ஆனா நமக்கு தான் ஒண்ணுமே புரியல.
அழகிய எழுது நடை அடுத்தவர்களை படிக்க தூண்டி இருப்பதற்கு நன்றி ,
ஏன் பிரபா நம்ம தமிழ் புத்தகங்கள்ல பற்றி எழதினா யாரும் படிக்க மாட்டாங்கோன்னு நல்லாவே புரிஞ்சி வச்சிருக்கிங்கப்ப...........
The books you have purchased are among the worst of crichton. :)
Timeline is an ok novel.But the technology described there is an awesome one.That is the strong point of crichton.He will make you think "can we actually do this using this idea?".
Rising sun was a period novel.It was written when there was an enormous inflow of japanese men and their goods in america.Read today,it does not sound as threatening as it did before.
Next is one book I hate of crichton.It's the only book of his which has a messy writing.
Try to read sphere,jurassic park,lost world,airframe,great train robbery,prey and disclosure.
Note:I wrote a couple of reviews of his novels some time back.You can check it if interested,before you get the books. :)
Also,I am sorry if I am about to hurt anyone's feeling,but Sujatha is not in league with Crichton.He is way very well intelligent than sujatha.The way he describes the hardest philosophies and technologies easily is a proof of that.Also,the scientific ideas he proposes for every novel is unique and genius.Remember how he proposed to get the dna of dinosaur and cloning it in jurassic park? That was his idea speaking.
சிறந்த ஒப்பீடு
நமிதாவ நல்லாத்தான் கண்கானிகிறீங்க
இந்த ஆங்கில நாவல் படிக்கும் படிப்பாளிங்க கூட உனக்கு என்ன சகவாசம் ஏன்டா மானி - ஒன்னுமில்லங்க கோயிந்து, எதோ நமி பேர போட்டுகிராங்கலேன்னு பாத்து தெரியாம வந்துட்டேன் ஹி ஹி
ஐசக் அசிமோவ் பேருலாம் சொல்லி ஆச்சர்யப் பட வைக்கிறீங்களே? கிரேட்...! க்ரைட்டனைப் பற்றி கேள்விப்பட்டிருந்தாலும், எதுவும் படிச்சதில்லை. சென்னை வரும்போது கண்டிப்பாக ஒரு புக்காவது வாங்கனும்! நன்றி பிரபாகரன்! படிச்சுட்டு சொல்லுங்க அந்த ஒரு புக் எதுன்னு முடிவு பண்ணனும்!
/////சி.பி.செந்தில்குமார் said...
டே சி பி நீ கத்துக்க வேண்டியது நிறை இருக்கு.. ஹாலிவுட் படத்தையும்,நமீதாவையும் லிங்க் பண்ணுனதைப்பார்த்தியா>/////
வர்ரேன் வர்ரேன், கடைக்கு வந்து பேசிக்கிறேன்!
தமிழ்மணம் முன்னணி வலைப்பதிவுகள் பட்டியலில் 15-வது இடம் பிடித்ததற்கு வாழ்த்துக்கள்.
அட ..இங்லீஷ் புக் எல்லாம் படிக்கிறீங்களா? சூப்பர்
@ கலாநேசன், டம்பி மேவீ, சி.பி.செந்தில்குமார், எப்பூடி.., வருண், ராம்ஜி_யாஹூ, தர்ஷன், ராஜன், ஜில்தண்ணி - யோகேஷ், sakthistudycentre-கருன், பாலா, டக்கால்டி, நா.மணிவண்ணன், கே.ஆர்.பி.செந்தில், Speed Master, middleclassmadhavi, karthikkumar, பிரபு எம், ஆதிமூலகிருஷ்ணன், ஆதவா, ஆதிமூலகிருஷ்ணன், Ponchandar, மங்குனி அமைச்சர், தங்கம்பழனி, NKS.ஹாஜா மைதீன், சிவகுமார், ஜீ..., பாரத்... பாரதி..., எம் அப்துல் காதர், தமிழ்வாசி - Prakash, bala, ILLUMINATI, FARHAN, விக்கி உலகம், பன்னிக்குட்டி ராம்சாமி, ரஹீம் கஸாலி, பார்வையாளன்
வருகைக்கும் கருத்துகளுக்கும் நன்றி நண்பர்களே... தொடர்ந்து வருகை தந்து விழாவினை சிறப்பியுங்கள்...
@ எப்பூடி..
// இந்தமாதிரி ஸ்டான்டட்டான புத்தகங்கள் வாசிக்கிற அளவுக்கு நான் இன்னமும் வளரைங்க!!! //
நாங்க மட்டும் வளர்ந்துட்டோமா என்ன... படித்துப் படித்து வளர வேண்டியது தானே...
@ வருண்
// அவர் தொட்ட அதே பிரதி இல்லைனு எங்களுக்குத்தெரியுமே! :))) //
இந்த மாதிரியெல்லாம் சொல்லி என் மனசை கஷ்டப்படுத்தாதீங்க...
@ தர்ஷன், ஜீ...
// சரி அந்த 104 ஆம் பக்கத்தில் படி என்னத்தான் இருந்துச்சு //
படித்துப் பார்த்தேன்... புரியவில்லை... கதையோட்டத்தோடு படிக்கும்போது தான் புரியும்... புரியும்போது சொல்கிறேன்...
@ ஜில்தண்ணி - யோகேஷ்
// நானும் ஒன்ன மாதிரியே என் இனிய இயந்திராவை படிச்சிபுட்டு அடுத்தடுத்து வெறும் sci-fi நாவலா வாங்கிப் படிச்சவன் தான் :)
தமிழில் அறிவியல் புனைவுகள் (sci-fi) வேற எதாவது இருந்தா ஒரு லிஸ்ட் கொடு மாமு :) //
தமிழில் என் இனிய இயந்திரா அளவிற்கு வேறு அறிவியல் புனைவு நாவல்கள் உள்ளதாக எனக்குத் தோன்றவில்லை... தவிர சுஜாதாவின் பிற நாவல்கள் ஏராளமாக இருக்கின்றனவே... அவற்றை முயற்சி செய்து பாருங்கள்...
@ பாலா, karthikkumar
// க்ரைட்டன் பற்றி கூறியதற்கு நன்றி. அந்த படத்தை அவ்வளவு உன்னிப்பாக கவனிக்க தூண்டியது எது? //
நான் மைக்கேல் க்ரைட்டன் வாங்க விரும்பியதற்கும் நமீதாவுக்கும் எந்தத் தொடர்பும் இல்லை :) அந்தப் படத்தை முதல்முறை பார்த்தபோது நான் அதையெல்லாம் கவனிக்கவில்லை... சமீபத்தில் ஒருநாள் தொலைக்காட்சியில் அந்தப் பாடல் ஆரம்ப ஹம்மிங்கில் இருந்து ஒளிபரப்பப்பட்டது... அப்போதுதான் புத்தகத்தை கவனித்தேன்... மைக்கேல் க்ரைட்டன் நாவல்களில் எப்போழ்துமே முகப்பில் “மைக்கேல் க்ரைட்டன்” என்று கொட்டை எழுத்துக்களில் பிரசுரிக்கப் பட்டிருக்கும்... எனவே எளிதாக கவனத்தை ஈர்த்துவிட்டது...
@ டக்கால்டி
// ungalukku "Nameetha nesan" endra pattatthai kodukkiren. //
அப்படியெல்லாம் எண்ணை ஒரு குறுகிய வட்டத்திற்குள் அடைத்து விடாதீர்கள்... என் மனம் ஒரு பரந்துவிரிந்த மைதானம் அங்கே நமீதா மட்டுமல்ல, தன்ஷிகா, அமலா பால், ஓவியா உட்பட இன்னும் ஏராளமானவர்களுக்கு இடம் உண்டு....
@ நா.மணிவண்ணன்
// எல்லாம் இங்கிலீபீஷு புக்கா இருக்கே . ச்சே ச்சே தமிழ்நாட்டுல தமிழ் புக் படிக்க ஆள் இல்லாம போச்சே //
என்ன இப்படி சொல்லிட்டீங்க... இந்த மூன்று புத்தகங்களைத் தவிர வாங்கிய மற்ற புத்தகங்கள் அனைத்தும் தமிழ் புத்தகங்களே...
@ கே.ஆர்.பி.செந்தில்
// தம்பி பெரிய படிப்பாளி போல.... //
அப்படியெல்லாம் இல்லீங்க... இப்பத்தான் ஆரம்பிச்சிருக்கேன்...
@ Speed Master
// கதைதான் திருடப்பட்ட்ன இப்பெழுது புத்தகமுமா //
ஒரே ஒரு காட்சியில் அட்டையைக் காட்டினார்கள் அவ்வளவுதானே... அதைப் போய் ஏன் திருட்டு என்றெல்லாம் சொல்லுகிறீர்கள்...
@ பிரபு எம்
// திரையில் நமீதா இருந்தாலும் அவங்க கையில இருக்குறது என்ன புக்னு பாத்திருக்கீங்க பாருங்க... அங்கேதான் நிக்கிறீங்க... :)) //
ஹா... ஹா... ஹா... ஒருவேளை நமீதாவின் கழுத்துக்கு கீழ் பார்க்க முயன்றபோது புத்தகம் கண்ணில் பட்டிருக்கும்...
@ ஆதிமூலகிருஷ்ணன்
// சுவாரசியமான நடை. உங்களை ரொம்ப நாட்களாக மிஸ் பண்ணிவிட்டேனோ.? :-). ஓகே, இப்பலேயிருந்து பிக்கப் பண்ணிட்டாப் போச்சு.! //
இந்த இடுகையில் எனது எழுத்துநடை கொஞ்சம் முன்னேறியிருப்பது உண்மைதான்... அதற்காக என்மீது நிறைய நம்பிக்கை வைத்துவிடாதீர்கள்... நான் பெரும்பாலும் மொக்கைகளையே எழுதுவேன்... எப்போதாவது பத்து பதினைந்து நாட்களுக்கு ஒருமுறை தான் சரக்கு வெளியே வரும்...
@ சிவகுமார்
// புத்தகம் வாங்கும் நானும் கூட இருந்தேன். அப்போது ஆங்கில நாவல்களை தேர்ந்து எடுக்க சொல்லி என்னை கேட்டீர்களே?? ஏன் இந்த கொலைவெறி?? //
நீங்களும் பொட்டி தட்டும் பணியில் இருப்பதால் ஆங்கில நாவல்களை படிப்பீர்கள் என்று கருதினேன்... மற்றபடி குவிந்துக்கிடந்த நாவல்களில் க்ரைட்டன் நாவல்களை தவிர்த்து வேறு எதையும் நான் அறிந்ததில்லை... அதனால்தான் உங்களை தேர்ந்தெடுக்கச் சொல்லலாம் என்று நினைத்தேன்...
// உங்க லெவல் வர பல ஆண்டுகள் பிடிக்கும். //
இதெல்லாம் டூ டூ மச்... நான் உங்கள் லெவலுக்கு வர்றதுக்குத்தான் நிறைய நாட்கள் பிடிக்கும்...
@ பாரத்... பாரதி...
// நமீதா பார்த்த புத்தகம்..... //
ஒருவகையில் கரெக்டுதான்... ஆனால் யாருக்குத் தெரியும் ஒருவேளை படிச்சிருந்தாலும் படிச்சிருப்பாங்க... நமீக்கு தமிழ் தானே தெரியாது... ஆங்கிலம் தெரியுமே...
@ எம் அப்துல் காதர்
// இனி நீங்க ஒய்யாரமா நீங்க நமிதா ஆன்ட்டி கூட கை கோர்த்துக் கிட்டு இங்கிலீஷ் பாட்டுக்கு டான்சே ஆடுங்க. (பாக்குறதுக்கு நாங்க இருக்கோம் ஹி..ஹி!!) //
நீங்க நமீதா ஆடுவதைத் தானே பார்ப்பீங்க... அதுக்கு நான் எதுக்கு... அவங்க மட்டும் சோலோவா ஆடட்டும்...
@ தமிழ்வாசி - Prakash
// எதோ சொல்ல வரீங்கன்னு தெரியுது, ஆனா நமக்கு தான் ஒண்ணுமே புரியல. //
தமிழ்வாசி பிரகாஷை ஆங்கிலமும் வாசின்னு சொல்றேன்...
@ bala
// ஏன் பிரபா நம்ம தமிழ் புத்தகங்கள்ல பற்றி எழதினா யாரும் படிக்க மாட்டாங்கோன்னு நல்லாவே புரிஞ்சி வச்சிருக்கிங்கப்ப........... //
அப்படியெல்லாம் யார் சொன்னது.... தமிழ் புத்தகங்களைப் பற்றி எழுதினால் இதைவிட நிறைய பேர் படிப்பார்கள்... அப்புறம் இலக்கிய விவாதம், மாற்றுக்கருத்துக்கள்ன்னு கொஞ்சம் சீரியஸா போக ஆரம்பிச்சிடும்...
@ ILLUMINATI
முதலில் இந்த அளவிற்கு விரிவாக விளக்கம் தந்ததற்கு மிக்க நன்றி... இதுபோன்ற ஒரு பின்னூட்டத்தை தான் எதிர்பார்த்தேன்...
// The books you have purchased are among the worst of crichton. :) //
இதை படிக்கும்போது கொஞ்சம் வருத்தமாகத்தான் இருக்கிறது... நான் புத்தகம் வாங்குவதற்கு முன்பு விக்கிப்பீடியாவில் ஒவ்வொரு நாவலின் கதைச்சுருக்கத்தையும் படித்தேன்... எனக்கு Pirate Latitudes, Rising Sun இரண்டுமே மிகவும் பிடித்திருந்தது... எனினும் pirate latitudes புதிய புத்தகம் என்பதால் விலை அதிகமாக இருந்தது... (தவறாக எடுத்துக்கொள்ள வேண்டாம்... எனது பொருளாதார நிலை அப்படி...) எனக்கு ஜப்பான் நாடு, மற்றும் அதன் கலாச்சாரத்தின் மீது அதிக ஈடுபாடு உண்டு... அதற்காகவே Rising Sun புத்தகத்தை தேர்ந்தெடுத்தேன்... பிற புத்தகங்களின் பின் அட்டையை மட்டும் படித்துவிட்டு timeline, next இரண்டையும் வாங்கினேன்...
// Try to read sphere,jurassic park,lost world,airframe,great train robbery,prey and disclosure. //
நீங்கள் குறிப்பிட்டுள்ள நாவல்களில் எதுவும் அந்தக் கடையில் கிடைக்கவில்லை... disclosure மட்டும் கிடைத்தது... அதையும் தவற விட்டுவிட்டேன் :(
// Note:I wrote a couple of reviews of his novels some time back.You can check it if interested,before you get the books. :) //
கண்டிப்பாக படிக்கிறேன்...
// but Sujatha is not in league with Crichton.He is way very well intelligent than sujatha //
உண்மைதான்... அது எனக்கும் தெரியும்... இருப்பினும் தமிழ் படிக்கும் வாசகர்களை திருப்திப்படுத்தும் நோக்கிலேயே அப்படி ஒரு சொலவடையை பயன்படுத்தினேன்... தவிர நம்மூர் எழுத்தாளரை நாமே குறைத்துப் பேச வேண்டாமே என்றொரு எண்ணம்...
புத்தகங்களைப் படிக்க ஆரம்பிக்கும் முன்பு என் மனதில் இருக்கும் மில்லியன் டாலர் கேள்வி... நான் வாங்கிய நாவல்களில், ஆங்கில நடை புரிந்துக்கொள்வதற்கு மிகவும் கடினமாக இருக்குமா அல்லது எளிய நடையில் இருக்குமா...?
அப்புறம் மூன்றில் எதை முதலில் படிக்க ஆரம்பிக்கலாம்...? இந்த இரு கேள்விகளுக்கு மட்டும் எனக்கு பதில் சொல்லுங்கள்...
@ பன்னிக்குட்டி ராம்சாமி
// சென்னை வரும்போது கண்டிப்பாக ஒரு புக்காவது வாங்கனும்! நன்றி பிரபாகரன்! படிச்சுட்டு சொல்லுங்க அந்த ஒரு புக் எதுன்னு முடிவு பண்ணனும்! //
ஒகே... சென்னை வர்ற திட்டம் இருந்தா அவசியம் தகவல் சொல்லுங்க... மீட் பண்ணலாம்...
@ பார்வையாளன்
// அட ..இங்லீஷ் புக் எல்லாம் படிக்கிறீங்களா? சூப்பர் //
உங்களுக்கு தெரியாததா தலைவா... அந்த பழக்கத்த கத்துகொடுத்ததே நீங்கதானே...
நான் இர்விங் வாலஸ் , ஜெப்ரி ஆர்ச்சர், சிட்னி ஷெல்டன் இவங்களோட நாவல் படிச்சிருக்கேன் அதிலுன் இர்விங் என்னோட favourite .
நீங்க சொல்ற ஆளு எனக்கு தெரியாது.
படிச்சிட்டு சொல்லுங்க
நம்மளுக்கு இந்தளவு பெரிரிரிய புத்தகம் சரிவராதுங்கோ பிபி ஏதோ தட்டுத் தடுமாறத் தான் சரி..
அன்புச் சகோதரன்...
மதி.சுதா.
காதல் கற்பித்த தமிழ் பாடம்
நண்பரே,
Pirate Latitudes கூட பரவாயில்லை ரகம் என்று தான் சொல்கிறார்கள்.அதிலும் கூட அந்த கதை உண்மையிலேயே crichton எழுதியது தானா என்ற சர்ச்சை ஒன்று உண்டு.அப்புறம்,முன்னூறு ரூபாய் கொடுத்து எல்லா புத்தகத்தையும் வாங்க முடியாது.எனக்கும் உற்ற தோழன் மூர் மார்கெட் தான்.அதிலும்,நான் நிறைய புக் வாங்கித் தொலைவதால்,வேறு வழியே கிடையாது. :)
Disclosure ஒரு அருமையான கதை.படமாகவும் வந்தது.ஆனால் புத்தகம் வெற்றியடைந்தது போல,படம் ஆகவில்லை.
//நான் வாங்கிய நாவல்களில், ஆங்கில நடை புரிந்துக்கொள்வதற்கு மிகவும் கடினமாக இருக்குமா அல்லது எளிய நடையில் இருக்குமா...?//
அமெரிக்க நாவல்களில் நடை எளிதா தான் இருக்கும்.crichton,dan brown போன்றோர் தான் கடின வார்த்தைகள் உபயோகிப்பார்கள்.ஆனா,அவங்களோட கதை இது எல்லாத்தையும் மறக்கடிக்கும்.
sidney sheldon,james hadley chase என பலர் எளிய நடை தான்.
பிரிட்டிஷ் எழுத்தாளர்கள் எழுதுறது முக்கால்வாசி மண்டைய பிச்சுகிற மாதிரி தான் இருக்கும்.ஒரு விசயத்த நேரடியா சொல்லாம சுத்தி சுத்தி சொல்வாணுக. :)
Timeline,Rising Sun,Next னு படிங்க.டைம் லைன் நல்ல கதை தான்.ரைசிங் சன் ஏற்கனவே சொன்ன மாதிரி ஒரு period கதை.
ஒருகாலத்தில அமெரிக்கால வளர்ந்து வந்த ஜப்பானிய ஆதிக்கத்த காரணமா வச்சு எழுதப்பட்ட கதை. அதுவும் ஓகே.ஆனா இந்த காலத்தில இப்ப படிச்சா கொஞ்சம் மொக்கையா இருக்கும்.என்னடா இது இதுக்கா பயந்தாணுகனு...
நெக்ஸ்ட் இருக்கிறதிலேயே எனக்கு பிடிக்காத கதை. :)
அப்புறம்,புக் வாங்கணும்னு நினைச்சா yahoo answers,amazon.com எல்லாம் ரசிகர்கள் என்ன சொல்றாணுகனு பார்த்துட்டு வாங்குங்க.அதிலும்,அமேசான்ல இருக்கிற 5 star review பக்கம் தலையே வைக்க வேணாம்.அதெல்லாம் maximum அந்தந்த நாவல் எழுத்தாளர்களின் வெறி பிடித்த ரசிகர்கள் எழுதுறதா தான் இருக்கும்.நாவல் ஆஹா,ஓஹோ னு தான் எப்பயுமே இருக்கும்.உஷாரா 4,3 star reviews படிங்க. :)
அப்புறம்,நாவல் படிக்கிற வட்டம் வளர்வது குறித்து சந்தோசம்.இங்க எவனும் நாவல் பத்தி எழுதுறது இல்லைன்னு எனக்கு ஆதங்கம் உண்டு.இப்ப கொஞ்சம் சந்தோசமா இருக்கு.இதெல்லாம் படிச்சிட்டு முடிஞ்சா பதிவு போடுங்க. :)
அப்புறம் மூர் மார்கெட் போங்க.எல்லா புக்கும் கிடைக்கும்.என்ன கொஞ்சம் பேரம் பேசணும்.
Post a Comment