உ.த அண்ணாச்சியையே உணர்ச்சிவசப்படவைத்த நடிகை...!

அன்புள்ள வலைப்பூவிற்கு,

முஸ்கி: இன்று காலை ஜாலியாக ஒரு பதிவை எழுதுவதாக ஆரம்பித்து கடைசியில் அழுகாச்சியா முடிச்சிட்டேன். அதை ஈடுகட்ட இன்னொரு ஜாலி பதிவு.

தமிழ் சினிமாவில் எப்போதும் யாருக்கும் நிரந்தர இடமில்லை. அதுவும் கதாநாயகிகளை பொறுத்தவரையில் கடக்கும் மேகங்களாக நித்தம் ஒரு நாயகனுக்கு முத்தம் தருவார்கள். இங்கே பல நடிகைகளுக்கு முதல் படமே கடைசி படமாகவும் அமைந்துவிடுகிறது. இப்போது தமிழ் சினிமாவிற்கு என்ட்ரி கொடுத்திருக்கும் சில அழகான நடிகைகள், அதாவது முதல் படமே கடைசி படமாக அமைந்துவிடாது என்று நம்பப்படும் சில நாயகிகளைப் பற்றி பார்ப்போம்.

ப்ரியா ஆனந்த்:

சென்னையில் பிறந்த NRI. தமிழில் வாமனன் படத்தில் அறிமுகமானபோது அதிகம் பேசப்படவில்லை. இருப்பினும் “ஒரு தேவதை பார்க்கும் நேரமிது...” பாடலில் கொஞ்சம் ஈர்த்தார். இரண்டாவது வெளிவந்த “புகைப்படம்” அட்டர் ப்ளாப். இப்போது வெளிவந்திருக்கும் நூற்றென்பது படத்தில் மட்டும் ஏனோ அழகு கூடியிருக்கிறது. அதிலும் இடுப்பழகை காட்டும் அந்தக்காட்சி படத்தில் ஹைலைட். தெலுங்கிலும் சில படங்களில் நடித்திருக்கிறார். கொஞ்சம் தமிழ் சினிமா ரசிகர்கள் எதிர்பார்ப்பதை காட்டினால் தேறுவார் என்று எதிர்பார்க்கப்படுகிறது.

ஜனனி ஐயர்:

150க்கும் மேற்பட்ட விளம்பரங்களில் புன்சிரிப்பை பகிர்ந்தவர், அவன் இவன் படத்தின் மூலம் நாயகியாக அறிமுகம் ஆகியிருக்கிறார். பாலா படத்தில் அறிமுகமானதாலோ என்னவோ, லைலா விட்டுச்சென்ற “லூசுப்பெண்” இமேஜை பிடித்துவிடுவார் என்று தெரிகிறது. சென்னையில் பிறந்தவர், சொந்தக்குரலில் பேசி நடிப்பவர் போன்றவை ப்ளஸ் பாயிண்டுகள். அவன் இவன் படம் தெலுங்கிலும் டப்பாகியிருப்பதால் அங்கேயும் ஒரு துண்டை போடுவார் என்று நம்பலாம்.

ரிச்சா கங்கோபத்யாயா:

பெயர் ரிச்சா, ஆயா என்று என்னவோ போல் இருந்தாலும் ஆள் நன்றாக இருக்கிறார். டெல்லியில் இருந்து இறக்குமதி செய்யப்பட்டவர். சிலபல அழகிப்போட்டிகளில் பரிசு பெற்று, மாடலிங்கில் ஒரு கலக்கு கலக்கிவிட்டு இப்போது சினிமாவில் நுழைந்திருக்கிறார். தெலுங்கில் சில வெற்றிப்படங்களை கொடுத்துவிட்டு இப்போது தமிழில் செல்வராகவனின் இரண்டாம் உலகம் படத்தில் அறிமுகமாகவிருக்கிறார். ஆனால் அதற்கு முன்னதாக சிம்புவுடன் நடிக்கும் ஒஸ்தி படம் திரை தட்டும் என்று தெரிகிறது. சிம்பு படம் என்பதால் நிறைய எதிர்பார்க்கலாம்.

நித்யா மேனன்:

இவரும் தமிழில் நூற்றென்பது படத்தின் மூலமாகவே அறிமுகமானார். கேரளாவில் பிறந்த இவர், ஜர்னலிசம் மீது காதல் கொண்டு படித்திருக்கிறார். அதற்குள் யாரோ ஒரு புண்ணியவான், நீங்க நடிச்சா ஆகணும்ன்னு சினிமாவுக்கு இழுத்துட்டு வந்திருக்கார். பெரும்பாலும் மலையாள படங்களில் நடிப்பவர். மற்றபடி நான்கு தென்னிந்திய மொழிகளிலும் நடித்த பெருமை இவருக்கு உண்டு. ஒரு ஆங்கிளில் பார்த்தால் இறந்துபோன நடிகை செளந்தர்யா மாதிரி இருப்பது இவருக்கு ஒரு பிளஸ் பாயிண்டு.

ப்ரனிதா:

பெங்களூரில் பிறந்த ப்ரனிதா, ஒரு கன்னட படத்தில் அறிமுகமாகி, பின்னர் பவா என்ற தெலுங்கு படத்தின் மூலம் ஹிட் அடித்திருக்கிறார். தமிழில் இவர் அறிமுகமான உதயன் திரைப்படம் பாக்ஸ் ஆபீசில் உதை வாங்கினாலும் அடுத்தது புளியம்கொம்பாக பிடித்திருக்கிறார். கார்த்தி நடித்து வெளிவர இருக்கும் சகுனி படத்தில் அம்மணி தான் நாயகி.

ரேஷ்மி மேனன்:

தலைப்பில் உ.த அண்ணாச்சியை சேர்த்ததற்கு காரணமே இந்தப்பொண்ணு தாங்க. தமிழில் தேநீர் விடுதி படத்தின் மூலம் அறிமுகமாகியிருக்கும் தேவதை. படத்தை பார்த்த கையேடு பஸ்ஸிலும், பேஸ்புக்கிலும் அண்ணாச்சி ரேஷ்மி புகழ்தான் பாடிக்கொண்டிருந்தார். (என்ன கண்ணுடா இது...?) பார்ப்பதற்கு அழகிய பொம்மை போல இருக்கும் இவருக்கு நடிக்கவும் தெரியும் என்பது கூடுதல் சந்தோசம்.

டிஸ்கி 1: உ.த அண்ணாச்சி கோவிச்சிக்க மாட்டார்ன்னு நினைக்கிறேன். அண்ணே... சும்மா உல்லுல்லாயிக்கு தான்... சீரியஸா எடுத்துக்காதீங்க...

டிஸ்கி 2: பின்னூட்டம் போடுபவர்கள், மேற்கண்ட ஆறு அழகிகளில் உங்களுடைய பேவரிட் யாரென்று போடலாமே...

டிஸ்கி 3: மொபைலில் இருந்து பதிவிடுகிறேன், ஒருவேளை இந்தப்பதிவையும் யாராவது படித்தால் திரட்டிகளில் இணைத்துவிடுங்கள்...

டிஸ்கி 4: இன்றைய காலைப்பதிவு: டீ வான் டட்லி என்கிற கிருஷ்ணமூர்த்தி முதலியார்

என்றும் அன்புடன்,

N.R.PRABHAKARAN

Post Comment