பிரபா ஒயின்ஷாப் – 12092011

அன்புள்ள வலைப்பூவிற்கு,

டிவிட்டரில் நடக்கும் ப்ளாக்கர் பற்றிய விவாதங்கள் சமயங்களில் எரிச்சல் தருகின்றன. ஏதோ ப்ளாக்கர் என்ற ஒன்றே அழிந்துவிட்டதாகவும் அதிலிருந்தவர்கள் அப்படியே டிவிட்டருக்கும் பஸ்ஸுக்கும் தாவிவிட்டதாகவும் கூறுகின்றனர். அப்படியென்றால் நாமெல்லாம் பதிவர்களே இல்லையோ...??? பழைய பதிவர்கள் நிறைய பேர் இடத்தை காலி செய்துவிட்டனர் என்பது உண்மைதான். ஆனால் அதைத்தான் புதிய பதிவர்கள் வந்து நிரப்பிவிட்டார்களே. என்னை யாரேனும் அடித்து விரட்டினால் கூட நான் ப்ளாக்கரை விட்டு நகர்வதாய் இல்லை.

திரைப்பட பாடகி சின்மயி ஒரு பதிவர் என்பது யாருக்காவது தெரியுமா...? அதுவும் கொஞ்ச நஞ்சமில்லை ஏழு ஆண்டுகளாக எழுதி வருகிறார். கொஞ்சம் பொறுங்க, தமிழில் அல்ல... ஆங்கிலத்தில். 2005ம் ஆண்டு ஆரம்பித்து இதுவரைக்கும் கிட்டத்தட்ட எழுநூறு பதிவுகள் எழுதியிருக்கிறார். இவற்றில் பெரும்பாலும் டைரிக்குறிப்புகளை போல பர்சனல் விஷயங்களையே பதிந்திருக்கிறார். இவருடைய வலைப்பூவின் பெயர் என்ன தெரியுமோ: WhatToNameIt

டைம்ஸ் ஆப் இந்தியா நாளிதழில் வந்த ஒரு கட்டுரை. தற்போதெல்லாம் திருமணம் போன்ற சுப நிகழ்ச்சிகளுக்கு பத்திரிகை அச்சடிப்பது குறைந்து வருகிறதாம். நவநாகரிக யுகத்தில் நிறைய பேர் மெயில் மூலமாகவும், சமூக வலைதளங்கள் மூலமாகவும் திருமண அழைப்பை சிக்கனமாக முடித்துக்கொள்கிறார்களாம். எல்லாம் கணினி, இணையம் என்று மாறிக்கொண்டிருப்பது அச்சுத்துறையில் இருக்கும் என் தந்தை போன்றவர்களுக்கு மிகப்பெரிய பாதிப்பு தான்.

சனிக்கிழமை இரவு சிரிப்பொலி தொலைக்காட்சியில் ஒரு படம் பார்த்தேன். ஹீரோவை நான்கைந்து இளம்பெண்கள் சேர்ந்தது கலாய்க்கிறார்கள். ஹீரோ பதிலுக்கு வீர வசனம் பேச ஹீரோயின் தோழிகள் எஸ்கேப். ஹீரோயின் மட்டும் வயிற்றை பிடித்துக்கொண்டு கத்துகிறார். வயசுக்கு வந்துட்டாங்களாமாம். அப்புறமென்ன பாட்டுதான். காதல் படத்தை ஸ்பூஃப் செய்தது போல இருந்தது. படத்தின் பெயர் புழல். (அவ்வ்வ்வ்)

ஜொள்ளு:

மல்லிகை மொட்டு மனசைத் தொட்டு இழுக்குதடி மானே...

வளையல் மெட்டு வயசைத் தொட்டு வளைக்குதடி மீனே...

ட்வீட் எடு கொண்டாடு:

pinjimanasu கீர்த்தி

வளர்ந்த செடிகளை பராமரிப்பதை விட வளரும் செடிகளை பராமரிப்போம்#காலேஜ் பிகர விட்டுட்டு ஸ்கூல் பிகர சைட் அடிங்கப்பா!!

mayavarathaan மாயவரத்தான்....

இதே ரீதியிலே போனா கருணாநிதி யாருன்னே எனக்குத் தெரியாதுன்னு கே.என்.நேரு சொல்வாரோ?! #ஐயப்பன்_எஃபெக்ட்

Kaniyen கனியன்

திருமண வாழ்க்கை என்பது எப்போதும் வெற்றிகரமாக உள்ளது மனைவிக்கு மட்டும் !

thoatta ஆல்தோட்டபூபதி

இந்த பூமியில் வாழ்ந்த, வாழும் மனிதர்கள் அத்தனை பேரிடமும் திட்டு வாங்கியது அநேகமாய் வாழ்க்கையாகத்தான் இருக்கும்.!

அறிமுகப்பதிவர்: எறும்பு

இவரைப் படித்தால் புது ஆள் மாதிரி தெரியவில்லை. பழைய ஆள் யாரோ ரீ-என்ட்ரி கொடுத்திருக்கிறார் என்று நினைக்கிறேன். எழுத்துக்கள் அந்த அளவிற்கு தரமாக இருக்கின்றன. கொஞ்சம் காதல் .. கொஞ்சம் Coffee... என்றொரு தலைப்பால் வசீகரிக்கப்பட்டு உள்ளே நுழைந்தேன். அதேமாதிரி இன்னும் ஆறு காதல் கதைகள் வைத்திருக்கிறாராம். அன்னா ஹசாரே, பாபா ராம்தேவ், கம்யூனிசம் என்று சீரியஸ் இடுகைகளும் உண்டு. ப்ளாக்கர் டெம்ப்ளேட் மட்டும் கொஞ்சம் செட் ஆகாமல் கண்ணை உறுத்துகிறது. மற்றபடி கிரேட்...!

இந்த வார பாடல்:

தியாகராஜன் நடித்த மலையூர் மம்பட்டியான் அவரது மகன் பிரசாந்த் நடிப்பில் ரீமேக்காகி வெளிவர இருப்பது தெரியும்தானே. அது நிச்சயம் ஒரிஜினல் பதிப்பின் மரியாதையையும் சேர்த்து குலைக்கும் என்பது தெரிந்த விஷயம்தான்.

ஆனால், அதன் ப்ரோமோ பாடல், “காட்டுப்புலி வழி மறிக்கும்...” என்று ஆரம்பிக்கும் பாடல் அசத்துகிறது. நாதஸ்வரத்தை செக் பண்ணுவது போல ஒரு சவுண்ட் எபக்ட் கொடுத்திருக்கிறார்கள் – என்னமாய் இருக்கிறது. அப்புறம், சிம்புவின் குரலும் வசீகரிக்கிறது. வீடியோவில் பிரஷாந்த் தரும் ரியாக்ஷன்கள் மட்டும் எரிச்சலை கிளப்புகிறது. மற்றபடி சூப்பர்.

இந்த வார வீடியோ:

பப்பர... பப்பர... பப்பர... ப்பப்பப்பா... பவர் ஸ்டார் பேட்டி...

சேம்பிள்கள் –

-     கொல கொலயா முந்திரிக்கா... பவர் ஸ்டாரை அடிச்சா நீ கத்திரிக்கா...

-     லத்திகா 150வது நாள்: தன்னம்பிக்கைக்கு கிடைத்த தரமான வெற்றி

-     எனக்கு தமிழ்நாட்டுல ரசிகர்கள் குறைந்தபட்சம் அஞ்சு லட்சம் பேர் இருக்காங்க.

இது சிரிக்க... இனி சிந்திக்க...

திரையுலகில் ஒரு உதவி இயக்குனர் திருமணம் ஆன அன்றே எதிர்பாரா விதமாக மாரடைப்பால் இறந்திருக்கிறார். பண உதவி தேவைப்பட்டு நிறைய பேரிடம் கேட்க யாரும் உதவி செய்ய முன்வராத நேரத்தில் பவர் ஸ்டார் ஸ்ரீநிவாசன் மட்டும் உதவி செய்திருக்கிறார். HATS OFF TO POWER STAR...!

(ஃபேஸ்புக்கில் வெங்காயம் திரைப்பட இயக்குனர் சங்ககிரி ராச்குமார் பகிர்ந்துக்கொண்டது)

இந்த வார புகைப்படம்:

தாய்மை

இந்த வார தத்துவம்:

“சிரிப்பவர்கள் எல்லாம் கவலையின்றி வாழ்பவர்கள் அல்ல... கவலைகளை மற(றை)க்க கற்றுக்கொண்டவர்கள்...” (டிவிட்டரில் பிஞ்சுமனசு உதிர்த்தது)

என்றும் அன்புடன்,

N.R.PRABHAKARAN

Post Comment