பிரபா ஒயின்ஷாப் – 28112011

அன்புள்ள வலைப்பூவிற்கு,

பிரபா ஒயின்ஷாப் - இருபாத்தி நாண்கு மனிநேரம் முப்பத்திநாளு நிமிடங்கால் தாம்தமகா... (சரி விடுங்க... சும்மா முயற்சி பண்ணி பார்த்தேன்... நம்மளால எல்லாம் முடியாதுப்பா...)

சமீபத்தில் “கருங்காலி” என்ற திரைப்படத்தை பார்க்க நேர்ந்தது. ரொம்பவும் மோசமான ஒரு கதைக்களன். வக்கிரமான ஒரு காட்சியில் பெண்ணினத்தையே கேவலப்படுத்தியிருந்தார் இயக்குனர். (அவ்வளவு நல்லவனாடா நீ என்று கேட்காதீர்கள்). நானும் பிட்டுப்படங்கள் பார்க்கும் ஒரு சராசரி இளைஞன்தான். ஆனால் “தாய்மார்களின் பேராதரவுடன்”, “பெண்கள் பார்க்கவேண்டிய விழிப்புணர்வு படம்” போன்ற அடைமொழிகளோடு வெளிவந்த கருங்காலி படத்தில் ஏனிந்த வக்கிரம் என்பதுதான் என்னுடைய கோபம். இரண்டரை மணிநேர படத்தில் இல்லாத நாதாரித்தனங்களை காட்டிவிட்டு கடைசியில் இப்படி எல்லாம் செய்யக்கூடாதுன்னு பாடம் நடத்துறது அயோக்கியத்தனம்.

நீதி: நல்லவங்கள நம்பலாம்... (என்னை மாதிரி) கெட்டவங்கள கூட நம்பலாம்... ஆனால் நல்லவங்க மாதிரி நடிக்கிற கெட்டவங்கள மட்டும் நம்பவே நம்பாதீங்க...!

உங்க வீட்ல எல்லாம் குருமா எதை வச்சி செய்யுவாங்க...? பாகிஸ்தானில் ஒருத்தங்க வீட்டில் புருஷன் குருமா செஞ்சிருக்கார். புருஷன் குருமா செய்றது சகஜம்தானே அப்படின்னு நீங்க நினைக்கலாம். ஆனா அந்த வீட்டு பெண்மணி புருஷனையே கொலை செய்து குருமா செய்திருக்கிறார். ஜைனப் என்ற பாகிஸ்தான் பெண்மணி தன்னுடைய முதல் கணவனுக்கு பிறந்த பதின்ம வயது மகளுடனும் இரண்டாவது கணவனுடனும் வாழ்ந்து வந்திருக்கிறார். குடிகார கணவன் அவருடைய மகளிடம் தவறாக நடக்க தொடர்ந்து முயற்சி செய்திருக்கிறார். ஒரு கட்டத்தில் கோபம் கொண்ட மனைவி கணவனை கொன்றுவிட்டு பின்னர் பிணத்தை அப்புறப்படுத்த வழி தெரியாமல் குருமா செய்திருக்கிறார். (இந்த செய்தியில் தவறு கணவனின் மீதா...? மனைவியின் மீதா...? நீங்களே சொல்லுங்கள்)

மயக்கம் என்ன படம் பார்த்தபோது திரையரங்கில் வரிசையாக ட்ரைலர்களின் அணிவகுப்பு. போராளி, ராஜபாட்டை, ஒஸ்தி, நண்பன், 3 என்று ட்ரைலர் மட்டுமே பத்து பதினைந்து நிமிடங்களுக்கு ஓடியது. நண்பன் பட ட்ரைலர் பார்க்கும்போது சத்யராஜ் கேரக்டருக்காகவே படம் பார்க்க வேண்டுமென்று தோன்றியது. மூன்று பட ட்ரைலரில் ஸ்ருதி ஹாசனை ஸ்கூல் பொண்ணு மாதிரி காட்டினார்கள். சரி ஏதோ துள்ளுவதோ இளமை காட்சி ஒன்றினை ஸ்பூப் செய்திருக்கிறார்கள் என்று நினைத்தால் சீரியஸாகவே பள்ளிக்கூட மாணவியாம். (ஒய் திஸ் கொலவெறி...?) எல்லா படத்துக்கும் ட்ரைலரெல்லாம் நல்லாத்தான் இருக்கு. படம்தான் ம்ஹூம்.

சென்ற வாரம் அலுவலகத்தில் பெரிய தல ஒருத்தர், என்ன தம்பி நக்மாவை பத்தி ஆராய்ச்சியெல்லாம் பண்ணியிருக்கீங்க என்றார். எனக்கு தூக்கி வாரிபோட்டது. இன்னொருத்தர் சிறுகதை முயற்சியை படித்ததாக சொன்னார். இப்படியே போனால் கூடிய விரைவில் தெருவில் நிற்க வேண்டி வரும் என்பதால் இத்தோடு ஆபீஸ் அளப்பறைகள் ஸ்டாப். பழைய ஆபீஸில் பணிபுரிந்தபொது இப்படித்தான் டீம் லீடரை நக்கலடித்து ஒரு பதிவு போட, செய்தி காட்டுத்தீயாக பரவி டீம் லீடரின் காதிற்கு எட்டிவிட்டது. அப்புறம் டீம் லீடருக்கு உருக்கமாக ஒரு கடிதம் எழுதி சமாதானம் செய்ய வேண்டியதாக போய்விட்டது.

ஜொள்ளு:

மச்சினிச்சி வர்ற நேரம் மண் மணக்குது...! மனசுக்குள்ள பஞ்சவர்ண கிளி பறக்குது...!!

ட்வீட் எடு கொண்டாடு:

Nambiyaaru நம்பியாரு

கருணாநிதியின் அறிக்கைகள் கி.வீரமணி பெயரில் வந்த மாதிரி, ஜெ;-வின் அறிக்கைகள் சரத்குமார் பெயரில் வருகிறது!

arattaigirl sowmya

ஆண் ஆளுமையுடன் துவங்கி அன்பிற்கு அடிமையாகிறான்! பெண் அன்புடன் துவங்கி ஆணை ஆளுமை செய்கிறாள் #காதல்

thoatta ஆல்தோட்டபூபதி

சென்ற தலைமுறையை விட இந்த தலைமுறை கற்பனை வறட்சியில் உள்ளதற்கு நல்ல சான்று, குஷ்பூ இட்லி போல இன்னமும் ஹன்சிகா பூரி வராததே.!

thoatta ஆல்தோட்டபூபதி

ஹீரோ ஒரே பாட்டுல பணக்காரனாகிறான்; ஹீரோயின் ஒரே பாட்டுல அம்மா ஆகுறாங்க; தமிழ் சினிமா சோ சிம்பிள் மாமு.!

iamkarki கார்க்கி

அஷ்வின்கிட்ட‌ அவ‌ர் மனைவி பாடிய‌து "மாமா. பால் எடுத்துக்கோ.அப்ப‌டியே கைல‌ பேட்டையும் எடுத்துக்கோ. ப‌ப்பப்பான் ப‌ப்ப‌ப்பான்..ப‌ப்பப்பான்

அறிமுகப்பதிவர்: அகமும் புறமும்

யானை ஆடி நின்றிருந்த காலியான கொட்டில்...! என்ற பின்நவீனத்துவ இலக்கிய தலைப்பை பார்த்ததுமே கோவாலு... கோவாலு... என்று பயந்துக்கொண்டே தான் உள்ளே நுழைந்தேன். கார்ப்பரேட் சாமியார்கள் பற்றிய இவரது இடுகை சாமான்யர்களும் படிக்கலாம் என்று நம்பிக்கையை வரவழைத்தது. ஏழாம் அறிவு பார்த்து ஏமாந்த கதையை எளிமையாக பகிர்ந்திருக்கிறார். ரஜினிக்கும் கமலுக்கும் வயசாயிடுச்சு. இனிமே வயசுக்கு தகுந்த கேரக்டரில் தான் நடிக்கனும்ன்னு சொல்றார். ரஜினி, கமல் ரசிகர்கள் போய் கொஞ்சம் கும்மிட்டு வாங்க.

கேட்ட பாடல்:

தம்பி வெட்டோத்தி சுந்தரம் என்ற படத்தில் கொலைகாரா... கொலைகாரின்னு கொலவெறியில்லாத ஒரு பாடல். இசைக்காக கொஞ்சம் பிடித்தது. பாடல் வரிகளுக்காக ரொம்பவும் பிடித்துவிட்டது.

அனுபவசாலி வைரமுத்து வரிகளில் காமத்துப்பால் பொங்கி வழிகிறது. தலைவி தலைவனைப் பார்த்து “பாதி கொலை செஞ்சுப்புட்டு தப்பிச்செல்லும் மூடா... முத்தமிட்டு மொத்தத்தையும் கொன்னுப்புட்டு போடா...” என்று பாடுகிறார். அடுத்த வரியில் “ஆசை வச்ச பொம்பளைக்கு அஞ்சுநாளா தூக்கமில்ல... மீசை வச்ச ஆம்பிளைக்கு மெத்தை வாங்க நேரமில்லை...” இப்படி போகிறது இந்தப்பாடல். வீடியோவாக பார்க்கும்போது அஞ்சலியையும் ரசிக்கலாம். ஆனால் என்ன இயக்குனர் இந்தப்பாடலை மிகவும் ரசனைக்குறைவாக காட்சிபடுத்திவிட்டார்.

பார்த்த காணொளி:

ஹி... ஹி... அமெரிக்க கைக்கூலி “பிரியாணி” புகழ் அஜீத் நடித்த முதல் விளம்பரப்படம்...

ரசித்த புகைப்படம்:

பத்த வச்சிட்டியே பரட்டை...!

தத்துவம்:

“Dont cry because its over, Dont smile because its happened...” – Dr.Seuss

படித்த ஜோக்:

டாக்டர்: உங்களுக்கு தலைவலி இருக்கா...?

நோயாளி: இருக்கு டாக்டர்... வெளியே தான் வெயிட் பண்றா...

(ஃபேஸ்புக்கில் மஸ்கட் மான்குட்டி)

ஃபைனல் கிக்:

தமிழ் சினிமாவையும் ஆயா சென்டிமென்ட்டையும் இன்னும் ஆயிரம் வருஷம் ஆனாலும் பிரிக்க முடியாது போல... #மயக்கம் என்ன EFFECT

என்றும் அன்புடன்,

N.R.PRABHAKARAN

Post Comment