பிரபா ஒயின்ஷாப் – 20022012

அன்புள்ள வலைப்பூவிற்கு,

ஒத்த வார்த்தை

தேனாம்பேட்டை சிக்னல் அருகே வீற்றிருக்கும் ஆனந்தாவில் தான் தினமும் இரவு உணவு. பீக் அவர்ஸில் கூட்டம் அதிகம் இருந்ததால் ஏற்கனவே இருவர் அமர்ந்திருந்த டேபிளில் மூன்றாவதாக அமர்ந்தேன். என் எதிரே அமர்ந்திருந்தவர் “ஸ்லர்ப்...! ஸ்லர்ப்...!” என சவிதா பாபி ப்ளோ ஜாப் செய்யும் சத்தத்தோடு சப்பாத்தி குருமா சாப்பிட்டுக்கொண்டிருந்தார். அவர் ஒவ்வொரு வாய் சாப்பிடும்போதும் யாரோ என் காதில் காறித்துப்புவது போல இருந்தது. நான் இட்லியை சாம்பார் கின்னத்திற்குள் முக்கி குளிப்பாட்டுவதை (குஷ்பூ இட்லியாச்சே...!) பார்த்திருந்தால் அவரும் கடுப்பாகியிருப்பார். சர்வர் வந்ததும் சாப்பாத்தி சாப் அவரிடம் இந்தியில் ஏதோ கேட்டார். இவர் பேசுவது அவருக்கும் அவர் பேசுவது இவருக்கும் புரியாமல் ஒரே காமெடி. ஃபாஸ்ட் புட்களிலும், பஞ்சாபி தாபாக்களிலும் இந்திக்காரனுங்க கிட்ட நம்மாளுங்க படுற பாட்டை மனதில் வைத்துக்கொண்டு பழிதீர்த்துக் கொண்டிருந்தார் சர்வர். அவர்களுடைய தகவல் பரிமாற்றத்தை ரசித்துக்கொண்டிருந்தவன் என்னுடைய அடுத்த ஆர்டராக “ஏக் சோழா பூரி...!” என்றேன். கொஞ்ச நேரம் ஹிந்தி கேட்டதில் வாய் தவறி “ஏக்” என்று வந்துவிட்டது. ஹிந்தியில் எனக்கு அந்த ஒரு வார்த்தையை தவிர வேறு எதுவும் தெரியாது. உடனே ஹிந்திவாலாக்கள் எனக்கு ஹிந்தி தெரியும் என்று நினைத்துக்கொண்டு என்னிடம் லபோ திபோ என கத்த ஆரம்பித்துவிட்டார்கள். அவர்களை பார்த்து “குச் குச் ஓத்தா ஐ...!” என்று திட்டிவிட்டு கிளம்பிவந்தேன்.

மின்வெட்டு

ஃபேஸ்புக், ட்விட்டர் இன்னபிற மீடியாக்களை தொடர்வதில் இருந்து தமிழகத்தில் மின்வெட்டு பிரச்சனை தலைவிரித்து ஆடுகிறது என்று புரிந்துக்கொள்ள முடிகிறது. ஒருநாளைக்கு ஆறு மணிநேரம், எட்டு மணிநேரம் என்றெல்லாம் மின்சாரம் தடைபடுவதாக பேசிக்கொள்கிறார்கள். இன்னும் சில கிராமங்களில் கரண்ட் சூப்பர்ஸ்டார் மாதிரி எப்ப வரும் எப்படி வரும்ன்னு தெரியலையாம், வரவேண்டிய நேரத்துல கரெக்டா வந்தும் தொலைக்க மாட்டேங்குதாம். உங்கள் அனைவருக்கும் ஒரு ஸ்டொமக் பர்னிங் செய்தியை சொல்லுகிறேன். எங்கள் பகுதியில் தினமும் ஒருமணிநேரம் மட்டுமே மின்சாரம் தடைபடுகிறது. சென்னையின் பல இடங்களில் இப்படித்தான். (திட்டுங்க...! ஒட்டுமொத்த சென்னையையும் கரிச்சுக் கொட்டுங்க...!)

மன்கட் அவுட்

தமிழ், கன்னட சினிமா நட்சத்திரங்கள் விளையாடிய CCL கிரிக்கெட்டின் இறுதிப்போட்டியை நிறைய பேர் பார்த்திருப்பீர்கள். பரபரப்பான ஆட்டத்தின் இறுதிக்கட்டத்தில் பெளலர் விக்ராந்த் பெளலிங் போடுவதுபோல பாவ்லா காட்டி அவசரக்குடுக்கை ரன்னரை காலியாக்கிவிட்டார். ரெண்டு அணி வீரர்களும் கல்லி கிரிக்கெட் விளையாடும் சிறுவர்கள் போல சண்டை போட்டுக்கொண்டார்கள். தொடர் முழுக்க கட்டிக்காப்பாற்றிய ப்ரோபஷனலிசம் காற்றில் பறந்துவிட்டது.

இப்போது சர்ச்சைக்குரிய அந்த ரன் அவுட்டுக்கு வருவோம். In the year of 1947, இந்தியாவின் பழம்பெரும் கிரிக்கெட்டர் வினு மன்கட் ஆஸ்திரேலியா XI அணியுடனான ஒரு பயிற்சி ஆட்டத்தில் Bill Brown என்ற வீரரை இந்தமாதிரி அவுட் ஆக்கினார். அதற்கடுத்து ஆஸ்திரேலியாவுடன் நடந்த சர்வதேச டெஸ்ட் போட்டியில் Bill Brown சொல்ல சொல்ல கேட்காம படிதாண்ட மறுபடியும் அதே முறையில் அவுட் ஆக்கினார். அந்த காலத்தில் இது கிரிக்கெட் உலகில் பெரிய சர்ச்சையை கிளப்பி இருக்கு. இது ரன் அவுட் தான் என்றாலும் வினு மன்கட் ஆரம்பித்துவிட்டதால் மன்கட் அவுட் என்றும் அழைக்கப்படுகிறது. (ஸ்கூப் ஷாட்டுக்கு தில் ஸ்கூப் என்று பெயர் வந்தது மாதிரி). அதற்கடுத்து அவ்வப்போது டெஸ்ட் மற்றும் ஒருநாள் போட்டிகளில் மன்கட் அவுட் நடந்தேறினாலும் கிரிக்கெட்டில் இது ஒரு கையாலாகத்தனம் என்று கருதப்பட்டிருக்கிறது. நாளடைவில் கிரிக்கெட் விதிமுறைகளில் இருந்து “மன்கட் அவுட்” நீக்கப்பட்டாலும் இன்னமும் கிரிக்கெட் சட்டத்தில் உள்ள ஓட்டைகளின்படி பெளலர் மன்கட் அவுட் செய்யலாம். கடைசியாக 1992ம் ஆண்டு நம்ம கபில் தேவ் தென் ஆப்பிரிக்காவின் பீட்டர் கிறிஸ்டனை மன்கட் பண்ணியிருக்கார். மங்காத்தாடா...!

ஜொள்ளு:

யாரென்று அறியாமல்... பெயர் கூட அறியாமல்... இவளோடு ஒருசொந்தம் உருவானதே...!

ட்வீட் எடு கொண்டாடு:

செ. செந்தில்குமார் @SeSenthilkumar

மொட்டை மாடியின் சுதந்திரம் அதை விட சற்று உயரமான மொட்டைமாடியால் அபகரிக்கப் படுகிறது #அவதானிப்பு.

மனோஜ் ரூபன் @vandavaalam

மொக்கைய விட கொடுமையான விசயங்களும் உலகத்துல இருக்கு! அந்த மொக்கைக்கு சிரிக்குறது..!!

sowmya @arattaigirl

கடவுள் பாரபட்சமில்லாதவர்தான்.... சிறப்பு தரிசன சீட்டு பெற்றவருக்கும் சிலையாகவேதான் காட்சி அளிக்கிறார்

Muthuram @ramthamizh

செக்ஸ் டார்ச்சருக்கும் சேல்ஸ் டார்ச்சருக்கும் உள்ள வேற்றுமை பிசிக்கல் டேமேஜ் மட்டுந்தான். #ஹெவியா பாதிக்கப்பட்டவன்

Thirunavukarasu @arasu1691

பெண்களின் ஒரு கேள்விக்கு மூன்று விதமான பதில்களை ஆண் வைத்திருக்கிறான்..பெண் எதிர்பார்ப்பதோ நான்காவது பதிலை #முடியல

வானரக்கூட்டம்:

சாகசன் – நகைச்சுவையை விரும்பும் சாதாரண வாசகன் என்ற பெயரில் தமிழ் டிவிட்டர்கள் சிலர் இணைந்து எழுதிவரும் வலைப்பூ. மின்சாரம் - மனைவி டூ காதலி என்ற இடுகையின் மூலமாக இவருடைய வலைப்பூவின் அறிமுகம் கிடைத்தது. அடுத்து படித்தது இலக்கிய உலகின் இளையதளபதி சாருவின் எக்சைல் விமர்சனம். இந்தப் பதிவில் பிரபல பதிவர் ஒருவர் பயங்கர ஊமைக்குத்து வாங்கியிருக்கிறார் பாருங்கள். அணில் ரசிகர்கள் எழுதிய நண்பன் விமர்சனம். இவங்க மட்டும் இல்லைன்னா டிவிட்டரே இல்லையாம்.

கேபிள் vs காஜல்

புத்தகக் கண்காட்சியில் வைத்து கேபிள் இந்தப்பாடலுக்கு டான்ஸ் ஆடிக்காட்ட எனக்கு அப்போதே ஆர்வம் தொற்றிக்கொண்டது. பின்னே, கேபிள் ஆடினாலே கிளுகிளுப்பாக இருக்கிறதே, காஜல் ஆடினால் எப்படி இருக்கும்.

யூடியூபில் சல்லடை போட்டு தேடியும் இந்த பாடாவதி வீடியோதான் கிடைத்தது. காஜல் திரையில் தோன்றியதும் கிர்ர்ர்ர்ர்ர்ருன்னு இருக்கு. அப்புறம், மகேஷ் பாபு டான்ஸ் சான்ஸே இல்லை கவுண்டமணியே கடன் வாங்கணும்...!

தெரிஞ்ச சினிமா தெரியாத விஷயம்

முதல் மரியாதை படத்தில் சிவாஜி நடித்த ரோலில் முதலில் நடிக்க தேர்வானவர் பாடகர் எஸ்.பி.பாலசுப்ரமணியம்.

விஜயகாந்த் நடித்த “இது எங்க பூமி” படத்திற்கு முதலில் சூட்டப்பட்ட பெயர் விடுதலைப்புலிகள்.

லக்ஸ் விளம்பரத்தில் நீண்ட காலம் தோன்றிய ஒரே தமிழ் நடிகை ஜெயலலிதா.

இவை போன்ற அரிய சினிமா செய்திகளையும் பழைய புகைப்படங்களையும் தருகிறது தெரிஞ்ச சினிமா தெரியாத விஷயம் என்ற ஃபேஸ்புக் பக்கம்.

கோச்சடையான் பஞ்ச்

கண்ணா...! பெரியவங்க கிட்ட ‘ஹம்பிளா’ இரு... குழந்தைகள் நேசிக்க ‘அங்கிளா’ இரு... வாழ்க்கையில் உயர ‘சிம்பிளா’ இரு...!

(குமுதத்தில் தஞ்சை ஆதி சொன்னது)

ஒரேயொரு இலவசக்கொலை...!

சேத்தன் பகத்தின் One Night @ The Call Center படித்துக் கொண்டிருக்கும்போது இப்படியொரு வாக்கியத்தை கடந்து வந்தேன். அதாவது நமக்கு விருப்பமான... அதான் நமக்கு விருப்பமே இல்லாத ஒருவரை தேர்ந்தெடுத்து அவரை கொலை செய்துக்கொள்ளலாம். நம்முடைய நாட்டின் சட்டதிட்டங்கள் அதற்கு இடம் தருகிறது என்று வைத்துக்கொள்வோம். நீங்கள் யாரை கொல்லுவீர்கள்...???

இந்தமாதிரி மொக்கை பதிவெழுதுற என்னை மட்டும் கொன்னுடாதீங்க...!

என்றும் அன்புடன்,

N.R.PRABHAKARAN

Post Comment