பதிவர் சந்திப்பு

அன்புள்ள வலைப்பூவிற்கு,

கடந்த ஞாயிற்றுக்கிழமையும் எப்போதும் போல பிதாமகன் தலைமையில் நகர்வலம் வந்துக்கொண்டிருந்தோம். மாலையில் ஏதோ ட்வீட்டப் இருப்பதாக சொன்னார்கள். சரி, காந்தி சிலைதானே என்றால் இல்லை தம்பி இது மெகா ட்வீட்டப், அடையாறு யூத் ஹாஸ்டல் என்றார்கள். அடடே என்று ஆச்சர்யக்குறியை கையில் பிடித்துக்கொண்டு அடையாறு செல்ல ஆயத்தமானோம். அவசர வேலையென்று தலைவர் கழண்டுக்கொள்ள அக்கப்போரு ஒன்றை உடன்சேர்த்துக்கொண்டு யூத் ஹாஸ்டலுக்குள் நுழைந்தோம். ஒவ்வொருவராக தங்களுடைய டிவிட்டர் ஐடி மற்றும் டிவிட்டர் ஹாண்டில் சொல்லி அறிமுகப்படுத்திக்கொண்டு இருந்தார்கள். நமக்கு ட்விட்டர் ஹாண்டில் என்றால் என்னவென்றே தெரியாது. நல்லவேளையாக கடைசி ஆளாக அமர்ந்திருந்த என் கைகளுக்கு மைக் வரவில்லை. ராஜன், பரிசல் போன்ற சீனியர் டிவிட்டர்களையும் திருட்டுகுமரன், குள்ளபுஜ்ஜி, வேதாளம், கோமாளி செல்வா போன்ற பிடித்த டிவிட்டர்களையும் கண்டு மகிழ்ந்தேன். நிறைய பேரை அடையாளம் தெரியாததால் சிபியாரை வைத்து கேட்டு தெரிந்துக்கொள்ள முயன்றேன். ஆனால் அவரோ பெண் கீச்சர்களை போட்டோ எடுப்பதிலேயே குறியாக இருந்தார். நிகழ்வு போரடிக்காமல் அடுத்தடுத்து Activities வைத்து அசத்திக்கொண்டிருந்தார் பரிசல். எம்.ஜி.ஆர் என்ற நண்பர் பார்ப்பதற்கு அஜீத் குமார் மாதிரி இருந்தார், அவர் வந்து மிமிக்ரி செய்து அசத்திக்காட்டினார். உடனே முன்வரிசையில் அமர்ந்திருந்த கறுப்பு எம்.ஜி.ஆர் கிரேஸி கோபால் கவுண்ட்டர் கொடுக்க மிமிக்ரி ஷோ களைகட்டியது. ட்வீட்டப்பின் ஹைலைட்டே முன்ஏற்பாடு எதுவுமில்லாமல் அவர்கள் செய்த கவுண்ட்டர் மிமிக்ரி என்று சொல்லலாம். முதல்முறையாக நாகராஜசோழரை சந்தித்தது வரலாற்று சிறப்பு. நிகழ்ச்சி தொடர்ச்சியாக நடந்துக்கொண்டே இருந்தாலும் நமக்கு அயர்ச்சியாக இருந்ததால் சற்று முன்னதாகவே கிளம்ப வேண்டியதாகி போய்விட்டது. தோட்டா மற்றும் என்னுடைய மோஸ்ட் ஃபேவரிட் ட்விட்டர் கில்மா கணேஷ் ஆகியோரை சந்திக்க முடியாதது ஃபீலிங்க்ஸ்...!

ட்வீட்டப் முடிந்த கையோடு டிஸ்கவரி புக் பேலஸில் பதிவர் சந்திப்பை ஜமாய்த்துவிடலாம் என்று நினைத்தால் அதற்குள்ளாக ஒரு துயர சம்பவம் துரத்தி வந்து நடுமன்டையில் நங்கென்று கொட்டி உட்கார வைத்தது. ஆனாலும் நம்முடைய அண்ணன்கள் சிவகுமார், அஞ்சாசிங்கம், ஆரூர் மூனா ஆகியோர் அடங்கிய குழு ஒன்று வடசென்னை என்னோடது, சவுத் உன்னோடது, சென்ட்ரலை நீ பார்த்துக்கோ என்கிற ரீதியில் பதிவர் சந்திப்பின் வெற்றிக்காக தீவிரமாக உழைத்துக்கொண்டிருக்கிறார்கள் என்று கேள்விப்பட்டேன். வெல்டன் பாய்ஸ். சென்னை மட்டுமல்லாமல் மற்ற ஊர்களில் இருந்து உணவு உலகம் ஆபீசர், தமிழ் பேரன்ட்ஸ் சம்பத், வீடு சுரேஷ், புது மாப்பிள்ளை கோகுல் மற்றும் பலர் படையெடுக்க உள்ளனர். வீடு சுரேஷுக்கு பிரம்மாண்ட வரவேற்பு கொடுப்பதற்காக சென்னையில் ஒரு ரசிகர் பட்டாளமே இருக்கிறது என்பது ஸ்பெஷல் நியூஸ். பதிவர் சந்திப்புக்கு வருகை தருபவர்கள் புத்தகங்களை பத்து சதவிகித தள்ளுபடியில் வாங்கலாம் என்று அதிரடி அறிவிப்பு கொடுத்திருக்கிறார் கடை உரிமையாளர் வேடியப்பன். வீடியோ கவரேஜை நான் பார்த்துக்கொள்கிறேன் என்று உறுதியளித்திருப்பவர் வலைமனை சுகுமாரன். மென்மேலும் பதிவர் சந்திப்பை சிறப்பானதாக்க உங்களுடைய ஆலோசனைகள் வரவேற்கப்படுகிறது. 

பதிவர் சந்திப்பு குறித்த விவரங்கள்:

நாள்: மே 20, 2012

நேரம்: மாலை 4 மணி

இடம்: டிஸ்கவரி புக் பேலஸ், கே.கே.நகர்

மேலும் விவரங்களுக்கு:

கே.ஆர்.பியார் - 8098858248

சிவகுமார் – 9841611301

அஞ்சாசிங்கம் – 9444125010

அடுத்த செய்தி, பதிவர் சந்திப்பு பற்றியதல்ல. ஈழப்படுகொலை நடந்துமுடித்து மூன்றாண்டுகள் முடிந்திருக்கிறது. படுகொலை செய்யப்பட்டவர்களின் நினைவாகவும், அவர்களுக்காக குரல் கொடுக்க இன்னமும் நாங்கள் இருக்கிறோம் என்று அரசுக்கு நினைவூட்டுவதற்காகவும் மே 20ம் தேதி சென்னை மெரீனா கடற்கரையில் மெழுகுவர்த்தி நினைவேந்தல் நடைபெற இருக்கிறது. மே பதினேழு இயக்கமும் பெரியார் திராவிடர் கழகமும் இணைந்து நடத்தும் மேற்கண்ட நிகழ்விற்கு செல்ல விரும்புபவர்கள் மேலும் விவரங்களுக்கு :-

கும்மி – 9600781111

திருமுருகன் – 9443486285

இப்படி இரண்டு எக்ஸ்ட்ரீம் நிகழ்வுகள் நடந்தால் எப்படி என்று கேட்பவர்களுக்கு பதில் சொல்ல சற்றே சங்கடமாக இருக்கிறது. இருந்தாலும் வேறு வழியில்லை. உங்களுக்கு விருப்பமானதை தேர்ந்தெடுத்துக்கொள்ள உங்களுக்கு முழு சுதந்திரமும் உண்டு என்பதை பணிவோடு தெரிவித்துக்கொள்கிறேன்...!

என்றும் அன்புடன்,

N.R.PRABHAKARAN

Post Comment