பிரபா ஒயின்ஷாப் – 18062012

அன்புள்ள வலைப்பூவிற்கு,

மான்குட்டி மான்சி பரேக் என்னுடைய கனவில் தொடர்ந்து லீலைகள் செய்துவந்ததால் லீலை படத்தை பார்த்தேன். வழக்கமான தமிழ் சினிமா, ஹீரோ ஹீரோயினை flirt செய்தால் நம்மையும் ஹீரோவுடன் சேர்ந்து பொறம்போக்குத்தனமாய் யோசிக்க வைக்கும். ஆனால் லீலை ஆரம்பத்திலிருந்தே கருணை மலரின் கோணத்தில் இருந்தே பயணிப்பதால் ஹீரோ கதாப்பாத்திரம் மீது கோபம் மட்டும் தான் மிஞ்சுகிறது. ஒருவேளை அழகு தேவதையாக காட்சியளிக்கும் மான்சிக்கு ஷேவிங் க்ரீம் விளம்பர மாடல் மாதிரியான ஆசாமி ஜோடியானது கூட கோபத்திற்கு காரணமாக இருக்கலாம்.

கடந்த ஒருவாரமாகவே எனக்கும் செண்பகத்துக்கும் பயங்கர சண்டை. இது வழக்கமாக நடக்கும் கூத்துதான். இருந்தாலும் இந்தமுறை கோபம் கொஞ்சம் அதிகமாகி நீ உங்க அம்மா வீட்டுக்கே போயிடு... நான் வேற ஆளை பாத்துக்குறேன்’னு வார்த்தையை விட்டுவிட்டேன். செண்பகத்திற்கு முகமே வாடிவிட்டது. அப்புறம் செண்பகத்தின் தாவாங்கொட்டையை பிடித்துக்கொண்டு “என் ராஜாத்தி... என் புஜ்ஜூக்குட்டி... நான் உன்னை விட்டுட்டு எப்படிடா இருப்பேன்... இப்ப சொல்றேன் கேட்டுக்கோ இனி என் உயிர் இருக்குற வரைக்கும் என் அம்முக்குட்டியை பிரியவே மாட்டேன்....” என்று எதை எதையோ சொல்லி சமாதானப்படுத்த வேண்டியதாகிவிட்டது. P.S: செண்பகம் என் வீட்டு கம்ப்யூட்டர்.

ஞாயிறு மாலைகள் சிங்காரச்சென்னையின் பொழுதுபோக்கு தளங்களுடனே கழிகிறது. கடந்தவார விஜயம் சிட்டி சென்டர். நேராக, நண்பர் மோகன் குமார் பரிந்துரைத்த Dude தமிழா டி-ஷர்ட் கடைக்கு சென்றேன். வாசகங்கள் கிரியேட்டிவாக இருந்தாலும் கூட நூறு ரூபாய்க்கு பெறாத டி-ஷர்ட்டை நானூறு, ஐநூறு என்று விற்பது பகல்கொள்ளை. அதுசரி, பெருநகர மால்களில் அது அது அப்படி அப்படி தான். நல்லா இருங்கப்பா என்று கடைக்காரரை வாழ்த்திவிட்டு நகர்ந்தேன். சிட்டி சென்டர் மொட்டைமாடி சென்னையின் ரம்மியமான இடங்களுள் ஒன்றாக இருக்கிறது. அதுவும் KFC அல்லது McDonaldல் இருந்து கோழிக்கறியை வாங்கிக்கொண்டு மொட்டைமாடியில் அமர்ந்து சாப்பிடும் சுகமே தனி.

இருபத்தி நான்கு வயது நிரம்பிய இளைஞன் ஒருவனுக்கு பைக் ஓட்டத்தெரியவில்லை என்று சொன்னால் இந்த சமூகம் அவனை எப்படியெல்லாம் அவமானப்படுத்துகிறது தெரியுமா...? சரி, எவமானமோ என்று விட்டுத்தொலைக்கவும் முடியாதபடி பைக் அத்தியாவசிய தேவைகளில் ஒன்றாகிவிடும் போல தெரிகிறது. எனவேதான் பைக் ஓட்டக் கற்றுக்கொள்ள வேண்டுமென்ற விபரீதமான முடிவினை எடுத்தேன். இதை அமுக்கு, அதை முறுக்கு, கீழே இருக்குறத மீதி என அப்பப்பா பைக் ஓட்டுவதுதான் எவ்வளவு கடினமான வேலை. இனி சிகப்பு சிக்னல் சமயத்தில் இண்டு இடுக்குகளில் புகுந்து அட்ராசிட்டி பண்ணும் பைக் ஓட்டுனர்களை நிச்சயமாக திட்டமாட்டேன். தெய்வம் சார் நீங்க...!

தமிழ் சினிமா தன்னுடைய பொக்கிஷங்களுள் ஒன்றினை தொலைத்துவிட்டது என்றுதான் சொல்லவேண்டும். மூன்று தலைமுறையை பார்த்த மூத்த நடிகர் காக்கா ராதாகிருஷ்ணன். நடிகர் திலகம் சிவாஜி கணேசனின் நெருங்கிய நண்பர். எம்.ஜி.ஆர், சிவாஜியில் ஆரம்பித்து அஜித், விஜய் என்று ஜெயம் ரவி வரைக்கும் இவருடன் சேர்ந்து நடித்திருக்கிறார்கள். தேவர் மகன், உன்னைத்தேடி, வசூல்ராஜா போன்ற படங்களில் தாத்தாவுடைய நடிப்பை யாரும் மறந்துவிட முடியாது. அவர் வடிவேலுவுடன் சேர்ந்து செய்த “ராக்காயி” காமெடி என்னுடைய ஆல்-டைம் ஃபேவரைட்களுள் ஒன்று. வசூல்ராஜா கமல் மாதிரி யாராவது தாத்தாவை தொடர்ந்து கேரம் போர்டு ஆட வைத்திருக்கலாம் :(

ட்வீட் எடு கொண்டாடு:

நாகராஜசோழன் MA ® ‏@NChozhan

நேற்று அவள் நெற்றியில் மென் முத்தம் கொடுத்தேன்.. இன்று ஹை-ஹீல்ஸ் போட்டு வந்தாள் அவள்..!

J ‏@ummooo

செக்ஸிலும் ஸ்னூஸ் வைக்க ஒரு கண்டுபிடிப்பாளன் தேவை.

கிறுக்கன் ‏@santhozn

தூங்குவது போல் நடித்து கனவை ஏமாற்றமுடிந்தால் கனவுகள் மறக்காமல் இருக்கும் !

ஒவ்வொரு முறை கமல் படங்கள் வெளிவரும்போது “கையை பிடிச்சு இழுத்தியா...!” ரக பஞ்சாயத்துகள் நடப்பது ஜகஜம். இந்தமுறை பச்சை நிற பதர்களிடம் செம உண்டை வாங்கப்போகிறாரோ என்று பதற வைக்கிறது ட்ரைலர். அதற்குள்ளாகவே கருஞ்சட்டை தோழர் ஆரம்பித்துவிட்டார். ஸ்டார்ட் மியூஜிக்...!

முரசு என்றொரு சேனல் ஆரம்பித்ததும் பத்தோடு பதினொன்று என்று நினைத்திருந்தேன். நேற்று செண்பகத்தை கொஞ்சிக்கொண்டிருந்த சமயம் காதல் ஜோதி படத்திலிருந்து மேற்கண்ட அரிய பாடல் ஒளிபரப்பப்பட்டது. மேலும் பல அரிய பாடல்கள் ஒலிபரப்பப்படுகின்றன.

மீண்டும் சாம் ஆண்டர்சன் என்று உற்சாகத்தோடு இருந்த என் போன்ற ரசிகர்களுக்கு ஏமாற்றமே மிஞ்சியிருக்கிறது. கடைசி காட்சியில் வரும் சின்னூண்டு டிவிஸ்டை தவிர்த்துப் பார்த்தால் சூரமொக்கை. சத்தியமா சிரிப்பே வரலை. மறுபடியும் ஒரு அருமையான resource வீணடிக்கப்பட்டுவிட்டது.

என்றும் அன்புடன்,

N.R.PRABHAKARAN

Post Comment